ئىلگىرى پۇلىتزېر مۇكاپاتىغا ئېرىشكەن ئامېرىكىلىق بىر مۇخبىر يېقىندا مۇنداق دېگەن:«زۇڭتۇڭ ئوباما ئارمىيە دائىرلىرى ۋە ئاخبارات مىنىستىرلىقىنىڭ يوقۇرى دەرىجىلىك ئەمەلدارلىرىنىڭ سۈرىيە توغرىسىدىكى ئاگاھلاندۇرىشىغا ئېتىبارسىز قاراۋاتىدۇ. بۇ ئەمەلدارلار سۈرىيە زۇڭتۇڭى بەشىر ئەسەد ئاغدۇرۇلسا ، رادىكال قوراللىق ئۇنسۇرلار ئۇرۇشتا ۋەيران بولغانبۇ دۆلەتنى ئىگىلىۋېلىشى مۇمكىن، دەپ ئاگاھلاندۇرغان».

    مۇخبىر سېيمۇر خېرش يەنە مۇنداق دېگەن: «ئوباما: بەشىر چوقۇم تەخىتتىن چۈشۈشى كېرەك، سۈرىيەدىكى مۆتىدىل ئۆكتىچىلەر ئۇنى مەغلۇپ قىلالايدۇدېگەندە چىڭ تۇرىۋالدى». بۇ قاراش يېققىنقى يىللاردىن بۇيان ئىشتاب باشلىقلىرى بىرلەشمە يىغىنىدىكى يۇقىرى دەرىجىلىك بىرقىسىم ئەمەلدارلارنىڭ نارازىلىقىغا ئۇچرىغان، ھەتتا بەزىلەر ئوچۇق ئاشكارە قارشى تۇرغان.

    سېيمۇر خېرىش ئامېرىكا دۆلەت مۇداپىئە مىنىستىرلىقى ئاخبارات ئىدارىسى بىلەن ئىشتاب باشلىقلىرى بىرلەشمە يىغىنى 2013-يىلى تاپشۇرغان مەخپىي دوكلاتنى نەقىل كەلتۈرگەن، دوكلاتتا بەشىر ئەسەد ھۆكۈمىتىنى ئاغدۇرۋېتىشنىڭ ئېغىر ئاقىۋىتىنى ئاگاھلاندۇرغان.

    ئىشتاب باشلىقلار بىرلەشمە يىغىنىدىكى يوقۇرى دەرىجىلىك بىر مەسلىھەتچىسى سېيمۇت خېرشقا ئېيتىشىچە، بۇ دوكلاتتا ئوباما ھۆكۈمىتى مەبلەغ ۋە قورال ياردىمى بېرىۋاتقان، بەشىر ئەسەد ھۆكۈمىتى بىلەن ئۇرۇش قىلىۋاتقان مۆتىدىل ئۆكتىچى تەشكىلاتلارغا بولغان گۇمان ئوتتۇرغا قويۇلغان. سېيمۇر خېرىش ئاخىرىدا مۇنداق دېگەن :« راست گەپنى قىلغاندا، ئىشەنچىلىك بىرەر مۆتىدىل ئۆكتىچىلەر يوق ، مۇنداقچە ئېيتقاندا ئامېرىكا رادىكال ئۇنسۇرلارنى قوراللاندۇرۋاتىدۇ.