6-يانۋار چاۋشيەن تۇنجى قېتىملىق ۋودورود بومبىسى سىناق قىلغانلىقىنى جاكارلىدى. بۇنىڭغا قارتا ياپونىيە باش ۋەزىرى ئابىشىنزو مۇنۇلارنى بىلدۈرۈپ: چاۋشيەننىڭ يادرو قورال سىناق قىلىشى ياپونىيەگە زور تەھدىت پەيدا قىلىدىغان بولۇپ، بۇنى ھەرگىز كەچۈرگىلى بولمايدۇ، دېدى.   چەتئەل تاراتقۇلىرىنىڭ خەۋىرىگە قارىغاندا، چاۋشيەن تەرەپ 6-يانۋار مۇنۇلارنى جاكارلاپ: چاۋشيەن مۇۋەپپەقيەتلىك ھالدا ۋودورود بومبىسىنى سىناق قىلىپ پارتلاتتى، دېگەن.

     ۋودورود بومبىسى ئىسسىق يادرو بومبىسى دەپمۇ ئاتىلىدۇ، ئۇ يادرو قورالىنىڭ بىر خىلى بولۇپ ھېسابلىنىدۇ. ۋودورود بومبىسىنىڭ ۋەيران قىلىش كۈچى ئاتوم بومبىسىدىن چوڭ بولۇپ، ئاتوم بومبىسىنىڭ پارتلاش كۈچى ئادەتتە نەچچە يۈز توننا دەرىجىلىكتىن نەچچە ئون مىڭ توننا دەرىجىلىككىچە بولغان TNT بومبىسىنىڭ پارتلاش كۈچىگە تەڭ كېلىدۇ، لېكىن ۋودورود بومبىسىنىڭ پارتلاش كۈچى بولسا نەچچە يۈز مىليون توننا دەرىجىلىك TNT بومبىسىنىڭ پارتلاش كۈچىگە تەڭ كېلىدىغان بولۇپ، ئۇ پارتلىغاندا مەركەزدىن چىقىدىغان ئىسسىقلىق تەخمىنەن 10 مىليارد سېلسىيە گىرادۇسقىچە بولىدۇ، بۇ قۇياشنىڭ مەركىزىدىن چىقىدىغان ئىسسىقلىق دەرىجىسىنىڭ 1000 ھەسسىسىگە توغرا كېلىدۇ.           

     ياپونىيە مۇتەخەسسىلىرى ۋودورود بومبىسىنىڭ ھۇجۇم قىلىش كۈچىنى تەقلىدى سىناق قىلغان بولۇپ، ئۇنىڭ ۋەيران قىلىش كۈچى ئامېرىكا 2-دۇنيا ئۇرۇشى مەزگىلىدە ناگاساكى ئارىلىغا تاشلىغان ئاتوم بومبىسىنىڭ پارتلاش كۈچىنىڭ 50 ھەسسىگە، خىروشىما ئارىلىغا تاشلىغان ئاتوم بومبىسىنىڭ ۋەيران قىلىش كۈچىنىڭ 60 ھەسىىسىگە توغرا كىلىدىگەن، ئەگەر بىر دانە ۋودورود بومبىسىنى بىر مىليون نوپۇسى بار بىر شەھەرگە تاشلىغاندا تەخمىنەن 370 مىڭ ئادەم نەق مەيداندا جېنىدىن جۇدا بولىدىكەن.