قېتىمقى يىغىنغا فىرانسىيە دۆلەت مۇداپىئە مىنىستىرى لې دىريان(سولدا) ۋە ئامېرىكا دۆلەت مۇداپىئە مىنىستىرى كات(ئوڭدا) رىياسەتچىلىك قىلدى

      سېنگاپور «بىرلەشمە ئەتىگەنلىك گېزىتى»نىڭ 20-يانۋار خەۋەر قىلىشىچە، 20-يانۋار، فىرانسىيە، ئامېرىكا، ئاۋسترالىيە، گېرمانىيە، ئىتالىيە، ئەنگلىيە ۋە گوللاندىيە قاتارلىق يەتتە دۆلەتنىڭ دۆلەت مۇداپىئە مىنىستىرى پارىژدا يىغىن ئاچقان، ھەر قايسى تەرەپ ئىراق ۋە سۈرىيەدىكى رادىكال تەشكىلات «شام ئىسلام دۆلىتى(IS)»گە بىرلىكتە زەربە بېرىشكە كېلىشكەن.

      بۇ قېتىمقى يىغىنغا فىرانسىيە دۆلەت مۇداپىئە مىنىستىرى لې دىريان ۋە ئامېرىكا دۆلەت مۇداپىئە مىنىستىرى كات رىياسەتچىلىك قىلغان. يىغىندىن كېيىن كات: ھەر قايسى دۆلەت سۈرىيەنىڭ لاققا ۋە ئىراقنىڭ ماۋسىل قاتارلىق مۇھىم شەھەرلىرىدىكى ISلارنى بىتچىت قىلىشقا قەسەم بەردى، دېگەن. ئۇ يەنە IS تەشكىلاتىغا زەربە بېرىدىغان 26 ئىتتىپاقداش دۆلەت ۋە ئىراق دىپلوماتىيە مىنىستىرلىرىنىڭ فېۋرالدا بېلگىيە پايتەختى بريۇسسېلغا جەم بولۇپ، IS تەشكىلاتىغا قانداق زەربە بېرىشنى كېڭىشىدىغانلىقىنى جاكارلىغان.