تۈنۈگۈن (12.29) چۈشتىن بۇرۇن، ئۈرۈمچى خەلقئارا ئايرودرومىدا قويۇق تۇمان كۆرۈلۈپ، ئۇچۇش يولىدىكى كۆرۈش ئارىلىقى 200 مېتىرغىمۇ يەتمىدى. ئۈرۈمچى ۋاقتى سائەت 11دىن 35 مىنۇت ئۆتكەندە، قويۇق تۇمان تەدرىجىي تاراپ، نۆۋەتچى ئايروپىلانلارنىڭ ئۇچۇش ۋە قونۇشى تەدرىجىي ئەسلىگە كەلدى. تۈنۆگۈن چۈشتىن كېيىن ئۈرۈمچى ۋاقتى سائەت 2 گىچە، 23 ئايروپىلان كېچىكتۈرۈلدى، 20 ئايروپىلان باشقا ئايرودروملارغا قوندى، ئىككى ئايروپىلان قونالماي قايتىپ كەتتى، 28 ئايروپىلان بىكار قىلىندى.