خەلقئارا لىنىيەسى خەۋىرى: چاۋشيەن ئەمگەك پارتىيەسىنىڭ ئورگان گېزىتى «ئەمگەك خەۋەرلىرى»نىڭ 29-دېكابىردىكى خەۋىرىگە قارىغاندا، چاۋشيەننىڭ ئالىي رەھبىرى كىم جۇڭئۇن يېقىندا چاۋشيەن خەلق ئارمىيەسى سۇ مەھسۇلاتلىرى تارماقلىرىنىڭ تۆھپىكارلىرىنى چاۋشيەن ئەمگەك پارتىيەسى مەركىزىي كومىتېتىنىڭ بىناسىغا تەكلىپ قىلىپ، پارتىيە ۋە دۆلەتكە ۋاكالىتەن ئۇلارغا شەرەپ مۇكاپاتى تارقىتىپ بەرگەن.   خەۋەردە دېيىلىشىچە، چاۋشيەن خەلق ئارمىيەسىنىڭ 3-قېتىملىق سۇ مەھسۇلاتلىرى تارماقلىرىنىڭ تۆھپىكارلىرىنى پارتىيە ۋە دۆلەتتىن تەقدىرلەش يىغىنى 28-دېكابىر چاۋشيەن ئەمگەك پارتىيەسى مەركىزىي كومىتېتىنىڭ يىغىن زالىدا ئۆتكۈزۈلگەن. كىم جۇڭئۇن يىغىنغا قاتناشقان ھەمدە نۇتۇق سۆزلىگەن. چاۋشيەن خەلق ئارمىيەسى باش سىياسىي ئىدارىسىنىڭ باشلىقى خۋاڭ پيۇڭسۇ يىغىنغا قاتناشقان.

       كىم جۇڭئۇن تەقدىرلەش يىغىنىدا مۇنداق دېگەن: سۇ مەھسۇلاتلىرى تارماقلىرىنىڭ تۆھپىكارلىرى ناچار ھاۋا شارائىتى ۋە بېلىقچىلىق ئەھۋالىغا قارىماي، بىر يىلدىكى تۆت پەسىلنىڭ ھەممىسىدە بېلىق تۇتۇش ئۈچۈن جاپالىق كۈرەش قىلىپ، پارتىيە تاپشۇرغان بۇرچنى قەتئىي ئادا قىلىپ، كىشى كۆز يۇمالمايدىغان نەتىجىلەرنى قولغا كەلتۈردى.

  ئاخىرىدا، كىم جۇڭئۇن ئەمگەك پارتىيەسى مەركىزىي كومىتېتىنىڭ بىناسىنىڭ ئالدىدا سۇ مەھسۇلاتلىرى تارماقلىرىنىڭ تۆھپىكارلىرى بىلەن خاتىرە سۈرەتكە چۈشكەن.

    ئىگىلىنىشىچە، 2013-يىلى ۋە 2014-يىلى 12-ئايدا، كىم جۇڭئۇن ئىككى قېتىم پارتىيە مەركىزىي كومىتېتىنىڭ يىغىن زالىدا خەلق ئارمىيەسى سۇ مەھسۇلاتلىرى تارماقلىرىنىڭ نەمۇنىچى كادىرلىرى ۋە تۆھپىكارلىرىنى تەقدىرلىگەن.