ئىچكى ئەزالاردا بەزى كېسەللىك ئالامەتلىرى پەيدا بولسا گەپ قىلغاندا بىلىنىدۇ. بۇنىڭغا ئاساسەن مۇۋاپىق چارە قوللىنىپ بەزى كېسەللەرنىڭ ئالدىنى ئالغىلى بولىدۇ.

    ئېغىز ئاچچىقلىشىشئۆت سۇيۇقلۇقى مېتابولىزىمىنىڭ نورمالسىزلىقى تۈپەيلىدىن ئېغىز ئاچچىقلىشىش كېلىپ چىقىدۇ.  ئېغىز ئاچچىقلىشىش كۆپ ھاللاردا جىددىي، ئاستا

خاراكتېرلىك جىگەر ياللۇغى، ئۆت خالتىسى ياللۇغى، ئۆتتە تاش پەيدا بولۇش قاتارلىق كېسەللەرگە گىرىپتار بولغان كىشىلەردە كۆرۈلىدۇ.

بۇنداق كىشىلەر پالەكنى كۆپ ئىستېمال قىلىشى كېرەك. پالەكنىڭ تەبىئىتى سوغۇق، يېيىشلىك بولۇپ، قان ئايلىنىشنى راۋانلاشتۇرۇش،ئۇسسۇزلۇقنى بېسىش، ھەزىم قىلىشقا ياردەم بېرىش، ئۈچەي، ئاشقازاننى تازىلاش، ئىسسىقنى ھەيدەش قاتارلىق ئۈنۈمگە ئىگە، ئۇ يەنە قۇرۇق ئىسسىقتىن بولغان ئۇسساش، ئېغىز ئاچچىق بولۇپ گال قۇرۇش قاتارلىق كېسەللەرنى قوشۇمچە داۋالاش رولىغا ئىگە.

ئېغىز تاتلىق بولۇش

بۇ ئەھۋال كۆپىنچە دىيابىت، ھەزىم قىلىش ئىقتىدارى قالايمىقان بولۇش قاتارلىق كېسەللەرگە گىرىپتار بولغان كىشىلەردە كۆرۈلىدۇ. كىشىلەر دىيابىت قاتارلىق كېسەللەرنى ئاكتىپلىق بىلەن داۋالىتىپلا قالماستىن،  ناچار تۇرمۇش ئۇسۇلىنى ئۆزگەرتىشى، ئاچچىق، غىدىقلاش رولىغا ئىگە يېمەكلىكلەرنى ئاز يېيىشى، تاماكا چەكمەسلىكى، ھاراق ئىچمەسلىكى، كۆپ ھەرىكەت قىلىشى كېرەك.

ئېغىز چۈچۈمەللىشىش

ئېغىزنىڭ چۈچۈمەللىشىشى ئاشقازان ۋە ئون ئىككى بارماق ئۈچەي يارىسىنىڭ ئىپادىسى. ئاشقازان كىسلاتاسى ئارتىپ كەتكەنلەر كىسلاتالىق ياكى يۇقىرى ئاقسىللىق يېمەكلىكلەرنى يېمەسلىكى، ئاشقازان كىسلاتاسىنىڭ ئاجرىلىشىنى چەكلەپ، شوۋىگۈرۈچ، ئۈگرە، بولكا قاتارلىق يىمەكلىكلەرنى مۇۋاپىق ئىستېمال قىلىشى كېرەك.

ئېغىز تۇزلۇقلىشىش

نېرۋا فۇنكسىيەسى بۇزۇلۇش كېسىلى، ئاستا خاراكتېرلىك بۆرەك ياللۇغى، يۇتقۇنچاق ياللۇغى، ئېغىز بوشلۇقى يارىسى قاتارلىق كېسەللەرگەگىرىپتار بولغان كىشىلەردە ئېغىز تۇزلۇقلىشىش ئالامىتى كۆرۈلىدۇ.

ئېغىز لاۋزىلىشىش

بۇ ھەزىم قىلىش سىستېمىسى كېسىلى، ئىچكى ئاجراتما سىستېمىسى كېسىلى، ئوزۇقلۇق يېتىشمەسلىك، ۋىتامىن ۋە مىكرو ئېلېمېنت — سىنىك

كەمچىل بولۇش قاتارلىق كېسەللەرگە گىرىپتار بولغانلىقتىن دېرەك بېرىدۇ. يۇقىرىقى كېسەللەرگە گىرىپتار بولغان كىشىلەر توخۇ، بېلىق، يېڭى

كۆكتات، مېۋە قاتارلىق يۇقىرى ئاقسىللىق، ۋىتامىنلىق يېمەكلىكلەرنى كۆپرەك ئىستېمال قىلىشى، شۇنداقلا ھەر قېتىم تاماقتىن كېيىن ئىككى – ئۈچ

تال دولانە يەپ، ئاشقازان كىسلاتاسىنىڭ ئاجرىلىشىنى كۈچەيتىشى كېرەك.

ئېغىز پۇراش

ئېغىز بوشلۇقى كېسىلى، ھەزىم قىلىش ناچارلىشىش قاتارلىق كېسەللەر ئېغىز پۇراشنى كەلتۈرۈپ چىقىرىدۇ، يۇتقۇنچاق ياللۇغى، چىش ياللۇغى،

ئېغىز بوشلۇقى يارىسى، چىشنى قۇرت يېيىش، ئاشقازان ياللۇغى، ئاشقازان ۋە ئون ئىككى بارماق ئۈچەي يارىسى قاتارلىق كېسەللەردىنمۇ ئېغىزپۇراش كېلىپ چىقىدۇ. يېڭى كۆكتات، مېۋىلەرنى كۆپ يېيىش ئۈچەي، ئاشقازاننى تازىلاشقا پايدىلىق بولۇپ، زۆرۈر بولغاندا ۋىتامىن B، C  ۋە سىنىك تولۇقلاش كېرەك.

ئېغىز ئېچىشىش

ئۆپكە يىگىلەش ياكى ئاشقازاننى ئىسسىق ئېلىپ كېتىش ئېغىز ئېچىشىشنى كەلتۈرۈپ چىقىرىدۇ. يۇقىرى قان بېسىم، نېرۋا فۇنكسىيەسى بۇزۇلۇش

كېسىلى، كېلىماكتېرىيە ئۇنىۋېرسال كېسىلىگە گىرىپتار بولغانلاردىمۇ ئېغىز ئېچىشىش ئالامىتى كۆرۈلىدۇ. ئاق ئامۇتنى پاكىز يۇيۇپ ئۇرۇقىنى

ئېلىۋەتكەندىن كېيىن ئىچىگە ھەششەتۇلھەجەل  (川贝)، ناۋات، ھەسەل قاتارلىقلارنى قۇيۇپ دۈملەپ يېسە ئېغىز ئېچىشىشنى يوقاتقىلى بولىدۇ