تۈنۈگۈن ئالتۇن باھاسى ئۇدا ئىككى سودا كۈنىدىكى ئۆسۈش ھالىتىنى توختىتىپ چۈشۈش ھالىتىنى كۆرسەتكەن، چارشەنبە كۈنى ياۋروپا ئەتتىگەنلىك سودا بازىرى ۋاقتىدا، ئالتۇن باھاسى بىر ئاز يۇقىرى ئۆرلىگەن بولۇپ، نېفىت باھاسىنىڭ يۇقىرى ئۆرلىشى ۋە دوللارنىڭ ئاجىزلىشىشى ئالتۇن باھاسىنىڭ ئۆسۈشىگە تۈرتكە بولغان.

     چەت ئەلدىكى داڭلىق تېخنىكىلىق تەھلىل قىلىش ئاپپاراتى FX Empire چارشەنبە 12-ئاينىڭ 23-كۈنى دوكلاتىدا كۆرسىتىشىچە، سەيشەنبە كۈنى ئالتۇن باھاسى چۈشۈش ھالىتىدە بولغان، بىراق تەۋرىنىش دائىرىسىنىڭ ئۈستۈنكى بۆلىكىدە تۇرغان. ئەگەر ئالتۇن باھاسى سەيشەنبە كۈنىدىكى تەۋرىنىش دائىرىسىنىڭ تۆۋەن نۇقتىسىدىن چۈشۈپ كەتسە 1050 دوللار ئەتراپىغا كېلىشى مۇمكىن، ئالتۇن باھاسى  1100 دوللاردىن ئاشمىغىچە سودىدا ئۆسۈش يۆنىلىشىگە كىرىش مۇۋاپىق ئەمەس دەپ كۆرسەتتى. سەيشەنبە 12-ئاينىڭ 22-كۈنى دۇنيادىكى ئەڭ چوڭ ئالتۇن فوندى ETF نىڭ ئالتۇن زاپىسى 645.94 توننا بولۇپ ئالدىنقى كۈنگە سېلىشتۇرغاندا ئوخشاش بولغان.

ئەسكەرتىش:

ئادەتتە 1 ئۇنسىيە ئالتۇن 31.1035 گىرامغا تەڭ؛

بۈگۈنكى خەلق پۇلى پېرېۋوت نىسبىتى 6.4731 يۈەن؛