مۇخبىرنىڭ 23ـ دېكابىر دۆلەت ئېلېكتىر تورىنىڭ ئۈرۈمچى توك بىلەن تەمىنلەش شىركىتىدىن ئىگىلىشىچە، ئاممىغا تېخىمۇ ئەلا مۇلازىمەت قىلىش ئۈچۈن، بۇ ئورۇن 30- دېكابىر كەچ سائەت 10:00 دىن كېلەر يىلى 1ـ يانۋار ئەتىگەن سائەت 8:00 گىچە سىستېمىنى ئۆزگەرتىپ ياخشىلاشنى پىلانلىغان. مۇشۇ مەزگىلدە ئۈرۈمچىدىكى بارلىق توك پۇلىنى ۋاكالىتەن ئېلىش ئورۇنلىرى (بانكا، پوچتا، «لىئەن»، تاللا بازار قاتارلىقلار) مۇلازىمىتىنى ۋاقىتلىق توختىتىدىكەن. 31- دېكابىر كۈندۈزدە ھەرقايسى توك بىلەن تەمىنلەش تىجارەت زاللىرىدىلا نەق پۇلغىلا توك سېتىلىدىكەن، شۇڭا شەھەر ئاھالىسى توك سائىتىدىكى قالدۇق توك مىقدارىنى ۋاقتىدا تەكشۈرۈپ ئالدىن توك سېتىۋالغىنى ياخشى، يېڭىدىن كارتا سېلىنىدىغان توك سائىتى ئورنىتىلغان ئائىلىلەر توك بىلەن تەمىنلەش تىجارەت زالىغا بېرىپ تۇنجى توك سېتىۋېلىشى كېرەك، ھەرقانداق مەسىلە بولسا، توك بىلەن تەمىنلەش تىجارەت زالىغا بىرىپ سۈرۈشتۈرسە بولىدىكەن.