مۇشۇ ھەپتە ئوينالغان ياۋرۇپا ئۇزغۇنلۇق مۇسابىقىسىدە، خانلىق مادرىد چولپىنى رونالدو تۆت توپ كىرگۈزدى، ئىپادىسىمۇ ياخشى بولدى، بىراق ئىسپانىيە ئاخبارات ۋاستىلىرىنىڭ خەۋەر قىلىشچە، ئۆتكەن ئۈچ ئايدا رونالدو يارىدار ھالەتتە مۇسابىقىگە قاتناشقان، شۇڭا پورتۇگالىيەلىك چولپاننىڭ بۇ پەسىلدە ئىپادىسى تۇراقسىز بولغان بولۇشى مۇمكىن، ھەتتا ئۆتكەن پەسىلدىكىدەك تىزىدىن مەسىلە چىقىشىمۇ مۇمكىن ئىكەن.

            2013-2014-مۇسابىقە پەسلى، رونالدونىڭ تىزى يارلانغاچقا بىر ئاي ئارام ئالغان، كېيىن يارىسى تولۇق ساقايمىغان ئەھۋال ئاستىدا دۇنيا لوڭقىسىغا قاتناشقان. تولۇق ساقايماي مۇسابىقىگە قاتنىشىش رونالدونىڭ سۈرئىتى ۋە ئىپادىسىگە تەسىر كۆرسەتكەن. بۇ پەسىل، 30 ياشلىق رونالدو يارىدار ھالەتتە مۇسابىقىگە قاتنىشىۋەرگەن، ھەتتا كوماندىنىڭ غەلبىسى ئۈچۈن ئازابقا بەرداشلىق بەرگەن، بۇ دەل مادرىد مەستانىلىرىنىڭ 7-نومۇرلۇق بۇ توپچىنى ياخشى كۆرۈشىنىڭ سەۋەبى بولۇشى مۇمكىن.