12-ئاينىڭ 10-كۈنى، فىرانسىيە پۇتبولچىلار بىرلەشمىسى ئاخبارات ئېلان قىلىش يىغىنى ئېچىپ، بېنزىمانى دۆلەت كوماندىسىدىن ھەيدەپ چىقىرىش قارارىنى ئېلان قىلدى، بۇ قارار خانلىق مادرىد ھۇجۇمچىسىنىڭ كېلەر يىلى يازدا ياۋروپا لوڭقىسى مۇسابىقىسىگە قاتنىشالماسلىقىدىن دېرەك بېرىدۇ. بېنزىما دۆلەت كوماندىسىدىكى سەپدىشى ۋالبۇئېنانىڭ شەھۋانىي پىلاستىنكىسىدىن پايدىلىنىپ قاقتى-سوقتى قىلىش ئىشىغا چېتىلىپ قالغانلىقتىن، شۇ يەرلىك ساقچىلارنىڭ سوراق قىلىشىغا ئۇچرىغان، بېنزىما تۇتۇپ تۇرۇلۇش جەريانىدا جىنايىتىگە ئىقرار بولغان.

      گەرچە بېنزىما فىرانسىيە دۆلەت كوماندىسىنىڭ نۆۋەتتىكى ئاساسلىق ھۇجۇمچىسى بولسىمۇ، ئەمما كۆپ ساندىكى فىرانسىيەلىك مەستانىلەر بېنزىمانى قايتا دۆلەت كوماندىسىدا كۆرۈشنى خالىمايدىكەن، شۇڭا فىرانسىيە پۇتبولچىلار بىرلەشمىسى بېنزىمانى دۆلەت كوماندىسىدىن ھەيدەشنى قارار قىلغان. بۇ قارار بېنزىمانىڭ كېلەر يىلى ئۆز دۆلىتىدە ئۆتكۈزىلىدىغان ياۋرۇپا لوڭقىسىغا قاتنىشالمايدىغانلىقىدىن دىرەك بېرىدۇ. بۇ فىرانسىيە پۇتبولچىلار بىرلەشمىسىنىڭ تۇنجى قېتىم بىر توپچىنى دۆلەت كوماندىسىدىن ھەيدىشى ھېسابلانمايدۇ، 2010-يىللىق دۇنيا لوڭقىسىدا، دۆلەت كوماندىسىدا زىددىيەت كۆرۈلگەن، كاپىتان ئېۋرا قاتارلىق پۇتبولچىلار ئانىلكانى جازالاشنى قارار قىلغاچقا، فىرانسىيە پۇتبولچىلار بىرلەشمىسى ئېۋرا، رېبىرى ۋە تۇلالان قاتارلىق توپچىلارنى ئۇزۇن مەزگىل مۇسابىقىگە قاتنىشىشتىن چەكلىگەن.