3-دېكابىر جەنۇبىي ئافرىقا ئالىي سوت مەھكىمىسىنىڭ سوتچىسى ھۆكۈمنى ئوقۇماقتا

    جەنۇبىي ئافرىقا ئالىي سوت مەھكىمىسى مېيىپلار ئولىمپىك تەنھەرىكەت مۇسابىقىسىنىڭ چېمپىيونى، «دۇنيا بويىچە ئەڭ تېز يۈگۈرىدىغان پۇتسىز ئادەم»، مېيىپلار تەنھەرىكەت مۇسابىقىسىدىكى «بورت» دەپ نام ئالغان ئوسكار پىستۇرىيۇسنىڭ قىز دوستىنى قەستلەپ ئۆلتۈرۈش دېلوسىغا 3-دېكابىر ئاخىرقى ھۆكۈمنى چىقارغان. ھۆكۈمدە «ئوسكار پىستۇرىيۇس قەستلەپ ئۆلتۈرۈش جىنايىتى ئۆتكۈزگەن» دەپ ئېلان قىلىنىپ، شىمالىي خۇۋدېن ئۆلكىلىك ئالىي خەلق سوت مەھكىمىسى 2014-يىلى چىقارغان «سەۋەنلىك بىلەن ئادەم ئۆلتۈرۈش جىنايىتى» ھۆكۈمىنى ئاغدۇرۇپ تاشلىغان.

    ئوسكار پىستىرىيۇس 2013-يىلى 14-فېۋرال ئۆيىدە مىلتىقى بىلەن قىز دوستى رىۋا سىتېنكامپنى ئېتىۋەتكەن. 2015-يىلى 11-سېنتەبىر ئۇنىڭغا «سەۋەنلىك بىلەن ئادەم ئۆلتۈرۈش جىنايىتى» تۇرغۇزۇلۇپ، بەش يىللىق قاماق جازاسى بېرىلگەن. زىيانكەشلىككە ئۇچرىغۇچىنىڭ ئائىلە تاۋابىئاتلىرى سوتنىڭ بۇ ھۆكۈمىگە قەتئىي رازى بولمىغان، جەنۇبىي ئافرىقا تەپتىش تەرەپمۇ ئالىي سوت مەھكىمىسىگە ئەرز سۇنۇپ، دېلونى قايتا سوت قىلىشنى تەلەپ قىلغان، شۇنداقلا ئاخىرقى دەۋادا ئۇتۇپ چىققان.

   ئوسكار پىستۇرىيۇس جەنۇبىي ئافرىقىلىق بولۇپ، مېيىپلارنىڭ 100، 200 ۋە 400 مېتىرغا يۈگۈرۈش تۈرىدە ئىزچىل تۈردە دۇنيا رېكورتىنى ساقلاپ كەلگەن. 2013-يىلى 14-فېۋرال قىز دوستىنى قەستلەپ ئۆلتۈرۈش، قانۇنسىز تۈردە قورال-ياراغ ئېلىپ يۈرۈش قاتارلىق ئىككى تۈرلۈك جىنايەت بىلەن شىكايەت قىلىنىپ، سوتقا تارتىلغان.

رىۋا سىتېنكامپنىڭ ئاپىسى چون سىتېنكامپ (ئوتتۇرىدا) سوت مەھكىمىسى سىرتىدا ئافرىقا پارلامېنت ئىتتىپاقى تەشكىلاتىنىڭ ئەزالىرى بىلەن قۇچاقلاشماقتا.

ئوسكار پىستۇرىيۇس

ئوسكار پىستۇرىيۇس ۋە ئۇنىڭ قىز دوستى رىۋا سىتېنكامپ