كۇچا ناھىيەسىنىڭ ياقا بازىرىدا يېشى 70كە ئۇلاشقان، ياشىنىپ قالغىنىغا قارىماي ئىتتىپاقلىق، مۇقىملىقنى كۈيلەپ، پارتىيەنىڭ تۈرلۈك فاڭجېن – سىياسەتلىرىنى ئاۋامغا يەتكۈزۈشتە خالىس تەشۋىقاتچى بولۇپ كېلىۋاتقان پېشقەدەم پارتىيە ئەزاسى ئەھمەد مۇھەممەدنىڭ لېكسىيەسىنى يېزا، كەنت، مەھەللىلەردىكى ھەممىلا كىشى قىزىقىپ ئاڭلايدۇ. چۈنكى ئۇ ئەتراپىدا يۈز بەرگەن ئىشلارنى ئەمەلىي مىسال كەلتۈرۈپ، ئاۋامنىڭ كۆڭلىدىكىنى تېپىپ سۆزلەشكە تولىمۇ ماھىر. ئۇ پېنسىيەگە چىققاندىن كېيىن 300 مەيداندىن ئارتۇق لېكسىيە سۆزلەپ، دېھقان – چارۋىچىلار، ياشلار، ئۆسمۈرلەرنىڭ يېقىن دوستىغا ئايلاندى.   ئۇ يېقىندا ناھىيە تەشكىللىگەن ج ك پ 18 – نۆۋەتلىك مەركىزىي كومىتېتى 5 – ئومۇمىي يىغىنى ۋە ئاپتونوم رايونلۇق پارتكومنىڭ جەنۇبىي شىنجاڭ خىزمىتى يىغىنىنىڭ روھىنى ئۆگىنىش، ئىزچىللاشتۇرۇش بويىچە لېكسىيە سۆزلەش تەشۋىقات ئەترىتىگە تەشەببۇسكارلىق بىلەن قاتنىشىپ، ھەر مىللەت ئاممىنى بۇ يىغىنلارنىڭ ئاساسىي مەزمۇنىدىن خەۋەردار قىلىپ، ئەمەلىي مىساللار ئارقىلىق ھەر مىللەت ئاممىنى ناھىيەنىڭ ئىجتىمائىي مۇقىملىقى ۋە ئەبەدىي ئەمىنلىكىنى ئىلگىرى سۈرىدىغان مۇستەھكەم ئىرادە تىكلەشكە ئۈندىدى.