ھازىر دېھقان-چارۋىچىلارنىڭ قىشلىق ئارام مەزگىلى بولسىمۇ، لېكىن ئۈرۈمچى ناھىيەسىدىكى دېھقان-چارۋىچىلار ‹‹دېھقانلار شادلىقى›› ۋە لاپاسلىرىنى بېزەش ... قاتارلىق ئىشلار بىلەن يەنىلا ئالدىراشچىلىق ئىچىدە ئۆتۈپ، 13-نۆۋەتلىك مەملىكەتلىك قىشلىق تەنھەرىكەت يىغىنىنى كۈتمەكتە.    دېھقانلار شادلىقىدا يېڭىلىقلار كۆپ

   مۇخبىرنىڭ ئىگىلىشىچە، ئۈرۈمچى ناھىيەسىدە دېھقانلار شادلىقى، چارۋىچىلار شادلىقىدىن 680 ى، يېزا ئىگىلىك ھەمكارلىق كوپېراتىپىدىن 50 نەچچىسى بولۇپ، ئۇلار قىشلىق تەنھەرىكەت يىغىنىغا قاتناشماقچى بولغان تەنھەرىكەتچىلەر ۋە ساياھەتچىلەرنىڭ كۆكتات ۋە گۆش تۈرىدىكى يېمەكلىكلەرنى خاتىرجەم ئىستېمال قىلىشى ئۈچۈن كۈنلىرىنى ئالدىراشچىلىق ئىچىدە ئۆتكۈزگەن.

   باشلانغۇچ مەكتەپ بالىلىرى قائىدە-يوسۇن ئۆگەندى

   ئۈرۈمچى ناھىيەلىك مائارىپ ئىدارىسى ئىنتىزام تەكشۈرۈش كومىتېتىنىڭ شۇجىسى ليۇ بونىڭ بىلدۈرۈشىچە، ناھىيە بويىچە مائارىپ سىستېمىسىدىكى ئوتتۇرا، باشلانغۇچ مەكتەپلەر، ئۇنىڭدىن باشقا يەنە يەسلىلەردە ‹‹ئەدەبلىك بولۇش، يېڭى ئىستىل يارىتىش، كىچىك قول چوڭ قولنى تۇتۇش›› تەربىيەلەش پائالىيىتى قانات يايدۇرۇلۇپ، ئەمەلىي پائالىيەتلەر ئارقىلىق ئوقۇغۇچىلارنىڭ ساھىبخانلىق ئېڭى ئۆستۈرۈلگەن.

   مەدەنىي كەنت مېھمانلارنى كۈتۈۋالدى

   شۇيشىگۇ بازىرى پىڭشىلياڭ كەنتى كومىتېتىنىڭ مۇدىرى لى گۇيچىننىڭ ئېيتىشىچە، بۇ يىل پىڭشىلياڭ كەنتىدە خۇشاللىنارلىق ئىشتىن ئىككىسى يۈز بەرگەن، بىرى، بۇ كەنت يىل بېشىدا مەملىكەت بويىچە مەدەنىي كەنت نامىغا ئېرىشكەن، ئىككىنچىسى، مەملىكەتلىك 13-نۆۋەتلىك قىشلىق تەنھەرىكەت يىغىنىنىڭ قىسمەن مۇسابىقە مەيدانى بۇ كەنتنىڭ قار تېيىلىش مەيدانىغا ئورۇنلاشتۇرۇلغان.(تامام)