2015-يىلى 11-ئاينىڭ 25-كۈنى خەۋەر قىلىنىشىچە، سىچۈەن چېڭدۇدىكى كۆڭۈل ئېچىش باغچىسىدا ئېرخۇ (ئۆزگەرتىلگەن ئىسىم) ئىسىملىك بالا بىلەن دوڭدوڭ (ئۆزگەرتىلگەن ئىسىم) ئىسىملىك ئىككى بالا ئۇرۇشۇپ كەتكەن. دەسلەپتە، ئېرخۇ بەدەن ئەۋزەللىكىگە تايىنىپ ئۈستۈنلۈكنى ئىگىلىۋالغان، دوڭدوڭمۇ بوش كەلمەي ئېرخۇنىڭ بىلىكىنى چىشلىۋالغان، ئارقىدىنلا ئېرخۇ كۆڭۈل ئېچىش باغچىسىدىن چىقىپ كەتكەن. ئۇزۇن ئۆتمەيلا، ئېرخۇ ئانىسىنى باشلاپ كېلىپ قايتىدىن دوڭدوڭنى «ئىزدەپ كەلگەن»، كېيىن ئىككى بالا يەنە سوقۇشۇپ كەتكەن، ئۇزۇن ئۆتمەيلا ئېرخۇنىڭ ئانىسىمۇ ئۇلارغا قوشۇلۇپ دوڭدوڭنى ئۇرغان.

     كۆڭۈل ئېچىش مەيدانىدا، بەش ئالتە ياشلاردىكى بۇ ئىككى بالا ئۇرۇشۇۋاتقاندا، بەختكە يارىشا خىزمەتچى خادىملار ۋە باشقا بالىلارنىڭ ئاتا-ئانىلىرى ئۇلارنى ئاجراتقان، شۇندىلا ئىككى تەرەپ ئاران پەيلىدىن يانغان. كېيىن، كۆڭۈل ئېچىش مەيدانى جايلاشقان يۇقىرى پەن-تېخنىكا يېڭى رايونى بۇ ئىشقا تەكشۈرۈش ئېلىپ بارغان. 24-نويابىر كەچتە، مۇخبىرلارنىڭ شىنيى ئوبلاستى ساقچىخانىسىدىن ئەھۋال ئىگىلىشىچە، ئېرخۇنىڭ ئاپىسى پۈتۈن جەرياندا ئادەم ئۇرغانلىقتىن، ساقچى تەرەپ «جۇڭخۇا خەلق جۇمھۇرىيىتى ئامانلىق باشقۇرۇش بويىچە جازالاش قانۇنى» دىكى ئالاقىدار بەلگىلىمىلەرگە ئاساسەن، ئۇنىڭغا 14 كۈنلۈك تۇتۇپ تۇرۇش جازاسى بەرگەن.