خەلق تورىنىڭ 7-ئاينىڭ 23-كۈنى ئىسلامئابادتىن بەرگەن تېلېگراممىسى، يەرلىك تاراتقۇلارنىڭ 22-چېسلادىكى خەۋىرىگە ئاساسلانغاندا، پاكىستان ساقچى تەرەپ مەزكۇر دۆلەرنىڭ غەربىي شىمال رايونىدا ئاختۇرۇش ھەرىكىتى قىلىش جەريانىدا، 193 نەپەر جىنايەت گۇماندارلىرىنى قولغا ئالغان.

 خەۋەردە ئېيتىلىشىچە، پاكىستان ساقچى تەرەپ مەزكۇر دۆلەتنىڭ غەربىي شىمالدىكى پېشاۋۇر، سىۋاب قاتارلىق شەھەرلەردە ئاختۇرۇش ھەرىكىتىنى قانات يايدۇرغان بولۇپ، 193 ئادەمنى قولغا ئالغان، بۇنىڭ ئىچىدە، قانۇنلۇق تۇرۇش ئىسپاتى بولمىغان ئافغانلار بار ئىكەن. ساقچى تەرەپ يەنە كۆپ مىقداردىكى قورالنى قولغا چۈشۈرگەن.

 ساقچى تەرەپنىڭ ئېيتىشىچە، پاكىستاننىڭ غەربىي شىمال قىسمىدىكى رايونلارنىڭ مۇقىملىق ئەھۋالى ياخشى ئەمەس بولۇپ، ئۇلار بۇ قېتىملىق ئاختۇرۇپ تۇتۇش ھەرىكىتى ئارقىلىق شۇ يەرنىڭ بىخەتەرلىك ۋەزىيىتىنى ياخشىلاشنى ئۈمىد قىلىدىكەن.