يانفون ئوينىغان ۋاقىت 68 مىنۇتتىن ئېشىپ كەتسە........

ئۈرۈمچى كەچلىك گېزىتى خەۋىرى:

مۇتەخەسسىلەر مۇنداق دېيىشتى: ئەقلىيفوندا مەشغۇلات قىلىش ئۇسۇلى ئىشلەتكۈچىنىڭ روھىي ھالىتىنى ئاشكارىلاپ بېرەلەيدىكەن، ھەتتا شۇنىڭغا ئاساسەن ئەسەبىيلىشىش كېسىلىگە گىرىپتار بولغان بولمىغانلىقىغا دىئاگنوز قويغىلىمۇ بولىدىكەن، يەنى كۈندە يانفوندا مەشغۇلات قىلغان ۋاقىت 68 مىنۇتتىن ئېشىپ كەتكەنلەرنىڭ ئەسەبىيلىشىش كېسىلىگە گىرىپتار بولۇش خەۋپى ھەسسىلەپ كۈچىيىدىكەن.

مۇتەخەسسىسلەر يەنە مۇنداق دېدى: يانفون ئۈچۈن سەرپ قىلىدىغان ۋاقتى قانچە ئۇزاق بولسا ئادەمنىڭ ئەسەبىيلىشىش كېسىلىگە گىرىپتار بولۇش خەۋپى شۇنچە كۈچلۈك بولىدۇ، ئادەتتە ساغلام كىشىلەرنىڭ يانفوندا مەشغۇلات قىلىدىغان ۋاقتى 17مىنۇت بولىدۇ، بىراق بۇنىڭدىن ئېشىپ كەتسە ئادەمنىڭ روھىي بېسىمى ئېغىرلاپ، دائىم دېگۈدەك ئۆيگە بېكىنۋالىدۇ، بۇ خىل كىشىلەرنىڭ سىرتقا چىقىشنى ياخشى كۆرىدىغانلارغا قارىغاندا ئەسەبىيلىشىش كېسىلىگە گىرىپتار بولۇش خەۋپىمۇ نەچچە ھەسسە كۈچىيىدۇ، ئەسەبىيلىشىش كېسىلىگە گىرىپتار بولغانلارنىڭ تۇرمۇش ئادىتىمۇ قالايمىقان بولىدۇ.