پايدىلانما سۈرەت

جۇڭگو ئۇيغۇرچە رادىيو تورى 9-ئىيۇل بېيجىڭ خەۋىرى:
پاكىستان دىپلوماتىيە مىنىستىرلىقى 8-ئىيۇل مۇنداق دېدى: ئافغانىستان ھۆكۈمىتى بىلەن تالىبان 7-ئىيۇلدىن باشلاپ ئىسلام ئابادتا تۇنجى قېتىم ئاشكارە سۆزلىشىشكە باشلىدى، ئىككى تەرەپ تىنچلىق ۋە يارىشىش مۇساپىسىغا مۇھىت يارىتىدىغانلىقىنى بىلدۈردى. ئىككى تەرەپ كېلەر قېتىملىق سۆھبەتنى رامىزاندىن كېيىن مۇۋاپىق ۋاقىتنى تاللاپ ئۆتكۈزۈشكە قوشۇلدى. بۇ قېتىمقى سۆزلىشىش ئافغانىستان زۇڭتۇڭى ئەشرەف.غەنى بۇلتۇر 9-ئايدا ۋەزىپىگە ئولتۇرغاندىن بۇيان، ئىككى تەرەپنىڭ تۇنجى قېتىم بىۋاستە سۆزلىشىشى.
پاكىستان دىپلوماتىيە مىنسىتىرلىقى مۇنداق دېدى: يىغىنغا قاتناشقان ھەرقايسى تەرەپلەر ئافغانىستاننىڭ تىنچلىقى ۋە تىنچلىق مۇساپىسى ھەققىدە پىكىر ئالماشتۇردى، ئۆز ئارا ئىشىنىش ئورنىتىشنىڭ زۆرۈرلۈكىنى ئېتىراپ قىلىشتى، ھەمدە رايون تىنچلىقى ئۈچۈن تىرىشىشكە بىردەك قوشۇلدى.
باشقا خەۋەرلەرگە قارىغاندا، بىرلەشكەن دۆلەتلەر تەشكىلاتىنىڭ باش كاتىپى بانكىمون 8-ئىيۇل باياناتچىسى ئارقىلىق بايانات ئېلان قىلىپ، ئافغانىستان ھۆكۈمىتى بىلەن تالىباننىڭ پاكىستاندا سۆزلەشكەنلىكىنى قارشى ئالىدىغانلىقىنى بىلدۈرگەن. باياناتتا مۇنداق: بانكىمون ئافغانىستانلىقلار باشلامچىلىق قىلىدىغان، ئافغانىستانلىقلار ئىگە بولۇدىغان تىنچلىق مۇساپىسىنى قوللايدۇ، دىيىلگەن. ئۇ ھەرقايسى تەرەپلەرنىڭ ۋەدىسى ۋە پاكىستاننىڭ ئوينىغان رولىغا رەھمەت ئېيتتقان.