شىنخۇا تورى، جاكارتا، 1-ئىيۇل تېلېگراممىسى: ھىندونېزىيە تاراتقۇلىرىنىڭ 1-ئىيۇلدىكى خەۋىرىگە قارىغاندا، ھىندونېزىيە ھاۋا ئارمىيەسىنىڭ توشۇغۇچى ئايروپىلانى چۈشۈپ كېتىش ۋەقەسىدە ھازىرغىچە 141 ئادەم قازا قىلغان.
خەۋەردە دېيىلىشىچە، ھازىرغىچە قۇتقۇزۇش خادىملىرى 141 جەسەتنى بايقىغان. يەنە بىر خەۋەردە دېيىلىشىچە، ئايروپىلاندا جەمئىي 122 ئادەم بار ئىكەن، ئەمما ھىندونېزىيە ھاۋا ئارمىيەسىنى ئىشتاب باشلىقى ئاگۇس تاراتقۇلارغا 113 ئادەم بارلىقىنى ئاشكارىلىغان.
ھىندونېزىيە شىمالىي سۇماترا ئۆلكىسى مېدان شەھىرىدىكى ئادام مالىك دوختۇرخانىسىنىڭ باياناتچىسى ساھىل ساراج شىنخۇا تورى مۇخبىرىنىڭ تېلېفون زىيارىتىنى قوبۇل قىلغاندا: دوختۇرخانىمىز ھازىرغىچە 142 جەسەتنى تاپشۇرۇۋالدى، قىسمەن جەسەتلەر پۈتۈن ئەمەس، دېگەن.
ھىندونېزىيە ھاۋا ئارمىيەسىنىڭ C-130 ‹‹پالۋان›› ناملىق توشۇغۇچى ئايروپىلانى شۇ يەر ۋاقتى 30-ئىيۇن چۈشتە مېدان شەھىرى ئەتراپىدىكى بىر ھاۋا ئارمىيە بازىسىدىن ئۇچۇپ، رىياۋ تاقىم ئاراللىرىغا ماددىي ئەشيا ۋە ھەربىي خادىملارنى يۆتكەش ۋەزىپىسىنى ئىجرا قىلماقچى بولغان. ئەمما ئايروپىلان ئۇچۇپ ئۇزۇن ئۆتمەي مېدان شەھەر رايونىغا چۈشۈپ كەتكەن.