جۇڭگو ئۇيغۇرچە رادىيو تورى 29-ئاپرېل بېيجىڭ خەۋىرى:
دۆلەت رەئىسى شى جىنپىڭ 28-ئاپرېل قازاقىستان زۇڭتۇڭى نەزەربايوف بىلەن تېلفونلاشتى.
شى جىنپىڭ نەزەربايوفنىڭ يەنە بىر قېتىم قازاقىستاننىڭ زۇڭتۇڭ بولغانلىقىنى تەبرىكلىدى. شى جىنپىڭ مۇنداق دەپ كۆرسەتتى: يېقىنقى يىللاردىن بۇيان، جۇڭگو بىلەن قازاقىستاننىڭ سىياسى جەھەتتىن بىر-بىرىگە بولغان ئىشىنىشى ۋە ئىستىراتېگىيەلىك ماسلىشىشى ئۈزلۈكسىز چوڭقۇرلاشتى، ھەرقايسى ساھەلىرىدىكى ئۆزئارا مەنپەئەت يەتكۈزۈش ھەمكارلىقى ئومۇميۈزلۈك قانات يايدۇرۇلدى. ئىناق قوشنىدارچىلىق دوستلۇقىنى تەرەققىي قىلدۇرىدىغان، ھەمكارلىشىپ نەپ يەتكۈزىدىغان جۇڭگو قازاقىستان مۇناسىۋىتى، ئىككى دۆلەت خەلقنىڭ ئورتاق مەنپەئەتىگە ئۇيغۇن بولۇپلا قالماستى، شۇنداقلا مەزكۇر رايوننىڭ بىخەتەرلىكى ۋە گۈللىنىشگىمۇ پايدىلىق. جۇڭگو، قازاقىستان بىلەن بولغان مۇناسىۋىتىگە يۈكسەك ئەھمىيەت بېرىدۇ، قازاقىستاننىڭ ئۆز دۆلىتىنىڭ ئەھۋالىغا ئۇيغۇن كېلىدىغان تەرەققىيات يولىنى قەتئى قوللايدۇ، قازاقىستان تەرەپنىڭ ئىگىلىك ھوقۇقنى، بىخەتەرلىكىنى ۋە تەرەققىياتى قاتارلىق يادرولۇق مەنپەئەتىنى قوغداش جەھەتتە كۆرسەتكەن تىرىشچانلىقىنى قەتئى قوللايدۇ. قازاقىستاننىڭ خەلقئارا ئىشلاردا مۇھىم رول ئوينىشىنى قوللايدۇ. يېڭى ۋەزىيەتتە، جۇڭگو بىلەن قازاقىستاننىڭ يول ئېچىپ ئىلگىرىلەپ، يىپەك يولى ئىقتىسادىي بەلبېغى قۇرۇلۇشى رامكىسىدىكى ھەمكارلىقىنى كۈچەيتىپ، ئىككى تەرەپلىك مۇناسىۋىتىنىڭ تەرەققىياتىغا تۈرتكە بولۇشدا تېخىمۇ كۆپ يېڭى نەتىجىلەرنى قولغا كەلتۈرۈپ، ئىككى دۆلەت خەلقىگە تېخىمۇ بەخت يارىتىشىنى ئۈمىد قىلىمەن.
شى جىنپىڭ مۇنداق دېدى؛ زۇڭتۇڭ نەزەربايوف رەھبەرلىكىدە قازاقىستاننىڭ تۈرلۈك ئىشلىرى زور تەرەققىياتلارغا ئېرىشتى. مەن، قازاقىستاننىڭ پارلاق نۇر يولىنى بويلاپ داۋاملىق ئىلگىرىلەپ، ئۈزلۈكسىز يېڭى نەتىجىلەرنى يارىتىدىغانلىقىغا ئىشىنىمەن.
نەزەربايوف جۇڭگونىڭ ئۇزاقتىن بۇيان قازاقىستاننى قوللاپ كەلگەنلىكىگە مىننەتدارلىق بىلدۈردى. ئۇ مۇنداق دېدى: قازاقىستان جۇڭگو بىلەن بولغان ئىستىراتېگىيەلىك ھەمكارلىقىنى كۈچەيتىپ، ئىككى تەرەپ ئورتاق كۆڭۈل بۆلىدىغان زور خەلقئارا ۋە رايون مەسلىلىرىدىكى ئالاقىسىنى ۋە ماسلىشىشنى ساقلاشنى، قازاقىستاننىڭ پارلاق نۇر يولى تەرەققىيات ئىستىراتېگىيەسى بىلەن جۇڭگونىڭ يىپەك يولى ئىقتىساد بەلبېغى تەشەببۇسىنى بىرلەشتۈرۈپ، ئىككى دۆلەتنىڭ ھەر قايسى ساھەلىرىدىكى ئالماشتۇرۇشى ۋە ھەمكارلىقىغا تۈرتكە بولۇشنى خالايدۇ.