شىنخۇا تورى خەۋىرى لەگلەك تورى تەرجىمىسى .2015-يىل 12-يانۋار سائەت 18:06 ئۆتكەندە ئاۋسترالىيەنىڭ 1438 دورپېر قويى ئايروپىلان ئارقىلىق 20 نەچچە سائەتتە ئۈرۈمچىگە توشۇپ كېلىندى. تونۇشتۇرۇلۇشىچە، ھەر بىر قوينىڭ ئايروپىلان ‹‹بېلەت باھاسى›› 2000 يۈەندىن ئېشىپ ، قوي سېتىۋېلىش ۋە ئايرىپ بېقىش ھەققى قوشۇلۇپ، ھەر بىر قوينىڭ تەننەرخى 20 مىڭ يۈەندىن ئېشىپ كەتكەن.

بۇ قويلارنى شىنجاڭدىكى بىر دېھقانچىلىق-چارۋىچىلىق پەن-تېخنىكا شىركىتى كىرگۈزگەن بولۇپ، شىركەت مەسئۇلىنىڭ تونۇشتۇرۇشىچە، دورپېر قويىنى نەسىللىك قوي سۈپىتىدە شىنجاڭدىكى يەرلىك قويلار بىلەن چېتىشتۇرۇش ئارقىلىق، شىنجاڭنىڭ يەرلىك قويلىرىنىڭ گۆش مەھسۇلاتى ۋە كۆپىيىش ئىقتىدارىنى ئاشۇرىدىكەن.

نۆۋەتتە بۇ شىركەت چۆچەك شەھىرى ئىككىسۇ چارۋىچىلىق مەيدانىدا ئۆلچەملىك باقمىچىلىق قوتىنى سالدۇرغان، بۇ دورپېر قويلىرى ئوتۇنكوزىدا 45 كۈن ئايرىپ بېقىلغاندىن كېيىن، ئىككىسۇ چارۋىچىلىق مەيدانىغا يۆتكىلىدىكەن.

دورپېر قويى ئىنتايىن تېز چوڭىيىدىغان بولۇپ، گۆش سۈپىتى ياخشى، ياغ مىقدارى ئاز ئىكەن. دورپېر قويىدىن ئادەتتە 30 كىلوگىرام ئەتراپىدا گۆش چىقىدىكەن، يەرلىك قويلاردىن بولسا 18 كىلوگىرام ئەتراپىدا گۆش چىقىدىكەن. شىنجاڭدىكى يەرلىك قويلار يىلدا بىر قوزىلايدىكەن، دورپېر قويى بولسا ئىككى يىلدا ئۈچ قېتىم قوزىلايدىكەن.

ئىستاتىستىكا قىلىنىشىچە، شىنجاڭدىكى يەرلىك قويلارنىڭ 20 نەچچە سورتى بولۇپ، داڭلىقراق بولغىنى ئالتاي قويى، تارباغاتاي باشباي قويى، دولان قويى، بايىنبۇلاق قويى، تۇرپان قارا قويى، ئىلى قويى، چىرا قارا قويى، خوتەن قويىدىن ئىبارەت.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK