ۋاڭيى تورى خەۋىرى لەگلەك تورى تەرجىمىسى .باش شۇجى شى جىنپىڭ تۈنۈگۈن تۈركىيە زۇڭتۇڭى بىلەن تېلېفوندا سۆزلەشتى .تۈركىيە زۇڭتۇڭى گۈل مۇنداق دېدى :‹يېقىندا تۈركىيىدە كۆمۈر كان پارتىلاش ۋەقەسى يۈز بەردى ،ۋەقەدىن كېيىن سىز ئەۋەتكەن ھال سوراش تېلېگراممىسىنى ناھايىتى تېزلا تاپشۇرۇپ ئالدىم ،تۈركىيە خەلقى ۋە ھۆكۈمىتىگە ۋاكالىتەن سىزگە چىن قەلبىمدىن رەھمەت ئېيتىمەن ›.

تۈركىيە زۇڭتۇڭى گۈل تۈركىيەدىكى كان پارتىلاش ۋەقەسىدىن كېيىنكى ئاپەتتىن قۇتقۇزۇش خىزمىتىنىڭ ئەڭ يېڭى ئەھۋالىنى تۇنۇشتۇرۇپ ئۆتتى ،ھەم جىددىي ۋەزىيەتكە تاقابىل تۇرۇش ئۈچۈن جۇڭگودا دۆلەت ئىشلىرى زىيارىتىدە بولالمايدىغانلىقى ،شۇنداقلا ئاسىيا ئۆز ئارا ھەمكارلىق ۋە ئىشىنىش تەدبىرلىرى يىغىنى شاڭخەي باشلىقلار يىغىنىغا قاتنىشالمانيدىغانلىقىدىن ئەپسۇسلىنىدىغانلىقىنى بىلدۈردى .

شى جىنپىڭ مۇنداق دېدى : ‹ بۇ قېتىم تۈركىيىدە يۈز بەرگەن كۆمۈر كان پارتىلاش ھادىسىسىدە ئۆلۈم يېتىم ئەھۋالى ئېغىر بولدى ،مەن جۇڭگو ھۆكۈمىتى ۋە خەلقىگە ۋاكالىتەن قازا قىلغانلارغا يەنە بىر قېتىم تەزىيە بىلدۈرىمەن ، قازا قىلغانلارنىڭ ئائىلە تاۋابىئاتلىرىدىن ۋە يارىدارلاردىن سەمىمىي ھال سورايمەن ،تۈركىيە ھۆكۈمىتىنىڭ كان ھادىسىسىنى مۇۋاپىق ھەل قىلالايدىغانلىقىغا ئىشىنىمەن ،جۇڭگو تۈركىيىنىڭ ئېھتىياجىغا ئاساسەن ، تۈركىيىگە ھەر ۋاقىت ياردەم بېرىشنى خالايدۇ،مەن سىزنىڭ بۇ قېتىم كان پارتىلاش ھادىسىسى تۈپەيلىدىن ئېلىمىزگە دۆلەت ئىشلىرى زىيارىتىگە كېلەلمەيدىغانلىقىڭىز ۋە ئاسىيا ئۆز ئارا ھەمكارلىشىش ۋە ئىشىنىش تەدبىرلىرى يىغىنىنىڭ شاڭخەي باشلىقلار يىغىنىغا قاتنىشالمايدىغانلىقىڭىزنى چۈشىنىمەن ، ئىككى تەرەپكە قولاي ۋاقىتتا ئېلىمىزگە زىيارەتكە كېلىشىڭىزنى قارشى ئالىمەن ›.

شى جىنپىڭ يەنە مۇنداق دېدى : ‹ كېلەر ھەپتە جۇڭگو تۈركىيىدىن ئاسىيا ئۆز ئارا ھەمكارلىشىش ۋە ئىشىنىش تەدبىرلىرى يىغىنىنىڭ رەئىس دۆلەتلىك ۋەزىپىسىنى تاپشۇرۇپ ئالىدۇ ،جۇڭگو ئىككى دۆلەت مۇناسىۋىتىگە باشتىن ئاخىرى ئومۇمىيلىق ۋە ئىستىراتېگىيىلىك يۈكسەكلىكتىن ئەھمىيەت بېرىپ كەلدى ،مەن سىز بىلەن دائىملىق ئالاقىنى ساقلاپ ،جۇڭگو تۈركىيەمۇ ناسىۋېتىنى ئۈزلۈكسىز ئالغا سىلجىتىشنى خالايمەن ›.

گۈل مۇنداق دېدى : ‹تۈركىيە جۇڭگو بىلەن بولغان مۇناسىۋەتكە يۈكسەك ئەھمىيەت بېرىدۇ ،جۇڭگونىڭ ئاسىيا ئۆزئارا ھەمكارلىق ئىشىنىش تەدبىرلىرى يىغىنى شاڭخەي باشلىقلار يىغىنىنى ئۆتكۈزۈشىنى پائال قوللايدۇ ،جۇڭگونىڭ بۇ قېتىمقى باشلىقلار يىغىنىنى چوقۇم مۇۋەپپەقىيەتلىك ئاچىدىغانلىقىغا ئىشىنىدۇ ›.

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK