لەگلەك تورى تەرجىمىسى: جۇڭشىن تورى 4-ئاينىڭ 27-كۈنى تېلىگىراممىسى: چەتئەل تاراتقۇلىرىنىڭ 26-ئاپرېلدىكى خەۋەرىگە ئاساسلانغاندا، پاكىستاننىڭ غەربىي شىمال قىسمى قارا بوراننىڭ تەسىرىگە ئۇچراپ ،ھازىرغىچە 44 ئادەمنىڭ قازا قىلىشىنى، 200 دىن ئارتۇق ئادەمنىڭ يارلىنىشنى كەلتۈرۈپ چىقاردى.

خەۋەردە مۇنداق دېيىلدى: شۇ جاي ۋاقتى 4-ئاينىڭ 26-كۈنى پاكىستاننىڭ غەربىي شىمالدىكى پىشاۋار قاتارلىق جايلار قارا بوراننىڭ ھۇجۇمىغا ئۇچرىغان بولۇپ، قاتتىق يامغۇر يېغىش ۋە قارا بوران زور زىياننى كەلتۈرۈپ چىقارغان.

قارا بوران ھۇجۇمىدا،شۇ جايدىكى ئون ئۆي-ئىمارەت ۋە دەل-دەرەخلەر ئۆرۈلۈپ چۈشكەن. نۇرغۇن يوللار ئىتلىپ قالغان.شۇ جايدىكى تەبىئىي ئاپەت مەلۇماتىدىن كۆرسىتىشچە، بۇ قېتىمقى قارا بوراننىڭ شامال سۈرئىتى بىر سائەتتە 120 كىلومېتىر ئىكەن.

ھازىرغىچە، قارا بوران ئاپىتىدە 44 ئادەم قازا قىلغان، 200 نەچچە ئادەم يارلانغان.قۇتقۇزۇش خىزمىتى داۋاملاشتۇرۇلماقتا. لېكىن بەزى ئاپەتكە ئۇچرىغان رايونلاردا ئۆرۈلۈپ كەتكەن دەرەخ ۋە ئىستولبا بولغاچقا قۇتقۇزۇش خىزمىتىنى ئىلىپ بېرىش قىيىنغا توختىغان.

شۇ جايدىكى مېتېئورولوگىيە تارماقلىرىنىڭ مۆلچەرلىشىچە، بۇ قېتىمقى قارا بوران قىسمەن رايونلاردا 24 سائەت داۋاملىشدىكەن.