تۈركىيە دىپلوماتىيە مىنىستىرلىقى 22-ئاپرېل بايانات ئېلان قىلىپ: ئاۋسترىيە خەلق پارلامېنتىنىڭ 1915-يىلدىكى ۋەقەنى ئەرمەنلەرنى قىرغىن قىلىش دېگەنلىكىنى كۆزدە تۇتۇپ، تۈركىيە دىپلوماتىيە مىنىستىرلىقى ئاۋسترىيەدىكى باش ئەلچىسىنى قايتۇرۇپ كېلىشنى قارار قىلدى دېدى.
ئاتالمىش ئەرمەنلەرنى قىرغىن قىلىش- 1915-يىلى 24-ئاپرېل كەچتە ئوسمان تۈرك ئىمپېرىيەسىنىڭ پايتەختى ئىستانبۇلدا، ئەرمەنلەر جەمئىيىتىنىڭ نەچچە يۈز رەھبىرىنى ھۆكۈمەت مۇھاسىرىگە ئېلىۋالغان ھەمدە ئۆلتۈرۈۋەتكەن ۋەقەنى كۆرسىتىدۇ. ئەرمىنىيە ھەر يىلى 24-ئاپرېلنى چوڭ قىرغىنچىلىق خاتىرە كۈنى قىلىپ بېكىتكەن ئىدى.
ئەرمىنىيە دائىرىلىرىنىڭ تارىخىي ماتېرىيالىدا خاتىرىلىنىشىچە، 1915-يىلىدىن 1923-يىلىغىچە، ئوسمان تۈرك ئىمپېرىيەسى ئەرمەنلەرگە ئىنسان قېلىپىدىن چىققان ئېرىقى توقۇتۇش سىياسىتى يۈرگۈزۈپ، بىر مىليون 500 مىڭ ئەرمەننىڭ جېنىغا زامىن بولغان.