جاھان ئاگېنتلىقى 19-ئاپرېل خەۋىرى؛ لەگلەك تورى تەرجىمىسى: خاماسنىڭ يۇقىرى دەرىجىلىك رەھبەرلىرىدىن ئىسمائىل رىزۋان، بەششار ئەسەدنىڭ «خاماس سۇرىيەدىكى بىر قسىىم قۇراللىق گۇرۇپپىلارغا ياردەم بېرىۋاتىدۇ» دىگەن سۆزىنى رەت قىلىپ بۇ ئەمەلىيەتكە ئۇيغۇن ئەمەس دېدى. رىزۋان مۇخبرىغا سۆز قىلىپ، «خاماس ئەرەب دۆلەتلىرىنىڭ ئىچكى ئىشلىرىغا ئارىلىشىشتىن يىراق تۇرىۋاتىدۇ. سۇرىيە ئىچىدىكى ھەر قانداق بىر قۇراللىق گۇرۇپ بىلەن ھېچقانداق مۇناسىۋىتىمىز يوق» دېدى.
رىزۋان، خاماسنىڭ ئەرەب دۆلەتلىرىنىڭ بىخەتەرلىكى ۋە بىرلىكىگە زور ئەھميەت بەرگەنلىكىنى تەكىتلەپ، «پەلەستىن خەلقى ۋە خاماسنىڭ ئەرەب دۆلەتلىرىنىڭ بىرلىكى ۋە رايۇننىڭ كۈچىگە ئېھتىياجى بار» دېدى. رىزۋان يەنە، ئەسەدنىڭ «خاماس بىلەن مۇناسىۋىتىمىز يۇقالدى، سۇرىيە خەلقى بۇنىڭدىن كېيىن ئۇنىڭغا ئىشەنمەيدۇ» دىگەن سۆزلىرىگە ئىنكاس بىلدۈرۈشتىن ئۆزىنى تارتتى.