ئۆز مۇخبىرىمىز ئارسلان كامىل خەۋىرى ، فوتوسى: شنجاڭ ئۇيغۇر ئاپتونوم رايونلۇق پارتكوم تەشۋىقات بۆلۈمى ، شىنجاڭ ئۇيغۇر ئاپتونوم رايونلۇق مەدەنىيەت نازارىتىنىڭ ئورۇنلاشتۇرشى ، شىنجاڭ سەنئەت يۇرتىنىڭ ئۇيۇشتۇرشى بىلەن شىنجاڭ سەنئەت يۇرتى مىللىي مۇزىكا (ئوركىستىر) ئۆمىكى 2011 ــ يىللىق ‹‹گۈزەل شىنجاڭ ــ نورۇز ›› مۇزىكا كىچىلىكىگە جىددىي تەييارلىق قىلدى.
2010 ــ يىلى 9 ــ ئاينىڭ 13 ــ كۈنى ج ك پ مەركىزىي كومىتېتى سىياسىي بيوروسى دائىمىي كوممىتېنىڭ ئەزاسى يولداش لى چاڭچۈن ، مەدەنىيەت مىنىستىرلىقىنىڭ مىنىستىرى سەي ۋۇ ،شىنجاڭ ئۇيغۇر ئاپتونوم رايونلۇق پارتكومنىڭ شۇجىسى جاڭ چۈنشەن ، ئاپتونوم رايوننىڭ رەئىسى نۇر بەكرى قاتارلىق رەھبەرلەرنىڭ ھەمراھلىقىدا شىنجاڭ سەنئەت يۇرتى مىللىي مۇزىكا (ئوركىستىر) ئۆمىكىنى كۆزدىن كەچۈرۈپ سەنئەتكارلارنىڭ تاللانغان يۇقىرى باھا بەرگەن ھەمدە مەدەنىيەت مىنىستىلىكىگە يوليورۇق بېرىپ شىنجاڭ مىللىي ئوركىستىر ئۆمىكىنىڭ بېيجىڭغا بېرىپ ئويۇن كۆرسىتىشىنى تەستىقلىغان . شىنجاڭ مىللىي ئوركىستىرى بۇقېتىمقى ‹‹ 2011 ــ يىللىق گۈزەل شىنجاڭ ــ نورۇز ›› مۇزىكا كىچىلىكىنى ئاياغلاشتۇرۇپ 4 ــ ئاينىڭ 16 ــ كۈنى بېيجىڭ چوڭ تىياتىرخانىدا مەركىزى مىللىي ئوركىستىر بىلەن بىرلىشىپ چوڭ تىپتىكى مۇزىكا كېچىلىكى ‹‹ گۈزەل شىنجاڭ ›› نى ئورۇندايدىكەن.
