ئىز تورى-爱智网

　　  جۇڭگو ئۇيغۇرچە رادىيو تورى 18-مارت بېيجىڭ خەۋىرى: ئامېرىكا پىرېزىدېنتى ئوباما تۈنۈگۈن مۇنداق دېدى: ياپونىيەنىڭ فۇكۇشىمادىكى 1-يادرو ئېلېكتر ئىستانسىسىدىن چىقىپ كەتكەن رادىيوئاكتىپ ماددىلار ئامېرىكا زېمىنىغا تەھدىت سالمايدۇ. ئوباما شۇ كۈنى ئاق سارايدا سۆز قىلغاندا مۇنداق دېدى: ئامېرىكا يادرو باشقۇرۇش كومىتېتى ۋە باشقا نۇرغۇن مۇتەخەسسىسلەر زىيان يەتكۈزۈش دەرىجىسىگە يەتكەن يادرو رادىئاتسىيەسى ئامېرىكىغا يېتىپ كىلەلمەيدۇ، دەپ ھۆكۈم قىلدى. ئوباما مۇنداق دېدى: ياپونىيەنىڭ فوكوشىمادىكى 1-يادرو ئېلېكتىر ئىستانسىسى ئەتراپتىكى ئاھالىلەرگە زور خەتەر ئېلىپ كەلدى، تەپسىلىي ئىلمىي باھاغا ئاساسەن، ئامېرىكا ياپونىيەدىكى ئامېرىكا پۇقرالىرىغا فوكۇشىمادىكى 1-يادرو ئېلېكتر ئىستانسىسىدىن 80 كېلومىتر يىراقلىققا چېكىنىش　تەكلىپى بېرىدۇ، شۇنىڭ بىلەن بىر ۋاقىتتا، ياپونىيەدىكى ئامېرىكا پۇقرالىرىدىن ۋەزىيەتنىڭ تەرەققىياتىغا يېقىندىن كۆڭۈل بۆلۈپ، ئامېرىكا ۋە ياپونىيە ھۆكۈمىتىنىڭ قۇماندانلىقىغا بويسۇنۇشنى تەلەپ قىلىدۇ.   تەرجىمان: گۈزەلنۇر روزى