ئىز تورى-爱智网

　　  جۇڭگو ئۇيغۇرچە رادىيو تورى 18-مارت بېيجىڭ خەۋىرى: جۇڭگونىڭ بىرلەشكەن دۆلەتلەر تەشكىلاتىدا دائىمىي تۇرۇشلۇق مۇئاۋىن ۋەكىلى ۋاڭ مىن تۈنۈگۈن بىرلەشكەن دۆلەتلەر تەشكىلاتىنىڭ نيۇيوركتىكى باش ئورگىنىدا مۇنداق دېدى: جۇڭگو بىرلەشكەن دۆلەتلەر تەشكىلاتىنىڭ ئافغانىستاندىكى ياردەم بېرىش ئۆمىكىنىڭ ۋاقتىنى يەنە بىر يىل ئۇزارتىشنى قوللايدۇ، ياردەم بېرىش ئۆمىكىنىڭ خەلقئارا جەمئىيەتكە ماسلىشىپ، ئافغانىستاننىڭ قايتا تىنچلىق بەرپا قىلىش ئىشلىرىدا مەركەزلىك ماسلاشتۇرۇش رولىنى داۋاملىق　جارى قىلدۇرۇشىنى ئۈمىد قىلىدۇ. ۋاڭ مىن شۇ كۈنى خەۋپسىزلىك كېڭىشىدە ئافغانىستان ۋەزىيىتىگە مۇناسىۋەتلىك ئاشكارا مۇنازىرىدە سۆز قىلغاندا مۇنداق دېدى: ئافغانىستاندا قايتا تىنچلىق بەرپا قىلىش ھالقىلىق مەزگىلدە تۇرماقتا. جۇڭگو كابۇل مۇساپىسىنى، ئافغانىستاننىڭ سىياسىي، بىخەتەرلىك، تەرەققىياتى، قانۇن ئارقىلىق ئىدارە قىلىش قاتارلىق ساھەلەردىكى قۇرۇلۇشىنى تەكشى ئىلگىرى سۈرۈپ، ئافغانىستاننى ئافغانىستانلىقلار ئىدارە قىلىشنى بالدۇرراق ئىشقا ئاشۇرۇشنى قوللايدۇ.   تەرجىمان: گۈزەلنۇر روزى