ئىز تورى-爱智网

　　  جۇڭگو ئۇيغۇرچە رادىيو تورى بېيجىڭ 10-مارت خەۋىرى:  مۇخبىرنىڭ 9-مارت دۆلەتلىك يېمەكلىك، دورا نازارەت قىلىش، باشقۇرۇش ئىدارىسى ئۆتكۈزگەن ئاساسىي دورىلارنىڭ سۈپىتىنى نازارەت قىلىپ باشقۇرۇش خىزمىتىنى كۈچەيتىش تېلېۋىزىيەلىك تېلېفون يىغىنىدىن ئۇقۇشىچە، بۇ يىل 3-ئايدا خېرىدار بولغان ياكى خېرىدار چاقىرىشقا قاتناشقان ئاساسىي دورىلارنى ئىشلەپچىقىرىدىغان بارلىق كارخانىلارنى تورغا كىرگۈزۈش خىزمىتى تاماملىنىدىكەن، 2011-يىلى ئاساسىي دورىلارنىڭ ھەممىسىنى ئېلېكترۇنلۇق نازارەت قىلىپ باشقۇرۇش ئىشقا ئاشۇرۇلىدىكەن. دۆلەتلىك يېمەكلىك، دورا نازارەت قىلىش، باشقۇرۇش ئىدارىسىنىڭ باشلىقى شاۋ مىڭلى مۇنداق دېدى: پۈتۈن سىستېما كونكېرت نازارەت قىلىپ باشقۇرۇش خىزمىتىدە، ئاساسىي دورىلارنىڭ سۈپەت بىخەتەرلىكىگە تەسىر يەتكۈزىدىغان يوشۇرۇن خەتەرلەرنى ئىنچىكە ئايرىپ، نازارەت قىلىپ باشقۇرۇش تەدبىرىنى چىڭ تۇتۇپ ئەمەلىيلەشتۈرۈپ، تۈرلۈك بىخەتەرلىك يوشۇرۇن خەتەرلىرىنى تۈگىتىپ، ئاساسىي دورىلارنىڭ سۈپەت بىخەتەرلىكىگە ھەقىقىي كاپالەتلىك قىلىشى كېرەك.

تەرجىمان: ئابدۇللا