شىنخۇا تورى، ۋاشىنگتون، 14 - دېكابىر تېلېگراممىسى: 21 - نۆۋەتلىك جۇڭگو - ئامېرىكا سودا بىرلەشمىسى كومىتېت يىغىنى 14 - دېكابىر ۋاشىنگتوندا ئېچىلدى . جۇڭگو گوۋۇيۈەنىنىڭ مۇئاۋىن زۇڭلىسى ۋاڭ چىشەن ئامېرىكا سودا ئىشلىرى مىنىستىرلىقىنىڭ باشلىقى لو جياخۇي ، ئامېرىكا سودا ۋەكىلى كىرك بىلەن بىرلىكتە يىغىنغا رىياسەتچىلىك قىلدى .
بۇ يىغىننىڭ ۋاقتى ئىككى كۈن بولۇپ ، كۈنتەرتىپ بويىچە ئىككى تەرەپ 14 - دېكابىر ئالدى بىلەن كىچىك دائىرىلىك سۆھبەت ئۆتكۈزىدۇ ، 15 - دېكابىر ئومۇمىي يىغىننى ئاچىدۇ. يىغىن مەزگىلىدە، جۇڭگو بىلەن ئامېرىكا ئىككى تەرەپ ئورتاق كۆڭۈل بۆلىدىغان بىر قاتار ئىقتىساد - سودا قارالمىلىرىنى چۆرىدەپ كېڭىشىدۇ .
1983 - يىلىدىن باشلانغان جۇڭگو - ئامېرىكا سودا بىرلەشمىسى كومىتېت يىغىنى جۇڭگو - ئامېرىكا ئەڭ بۇرۇن ئورناتقان يۇقىرى دەرىجىلىك ئىقتىساد - سودا كېڭەش مېخانىزملىرىنىڭ بىرى بولۇپ ، بۇ مېخانىزم جۇڭگو - ئامېرىكا ئىككى تەرەپنىڭ سودا ، مەبلەغ سېلىش قاتارلىق ساھەلەردە كېڭەش ئېلىپ بارىدىغان مۇھىم سەھنىسىگە ئايلاندى .
20 - نۆۋەتلىك جۇڭگو - ئامېرىكا سودا بىرلەشمىسى 2009 - يىلى ئۆكتەبىردە خاڭجۇدا ئېچىلغان.
