سۈت ئىچىشكە ئامراق ئەرلەر شوخلىنى كۆپ يېيىشى كېرەك
تەكشۈرۈشتە ئىسپاتلىنىشچە ، دائىم سۈت ئىچىدىغان ئەرلەر ئوڭاي مەزى بېزى كېسەللىكىگە گىرىپتار بولىدىكەن . ئامېرىكىدىكى بىر تەتقىقات گۇرۇپپىسى يېقىندا 20 مىڭ 885 ئەر ۋىراچنى 11 يىلغىچە كۆزەتكەن ، ئۇلار بۇ جەرياندا باشقىلارغا قارىغاندا سۈت ۋە قېتىقتىن ياسالغان يېمەكلىكلەرنى كۆپ ئىستېمال قىلغان ئىكەن . نەتىجىدە ئۇلارنىڭ ئارىسىدىكى 1012 كىشى مەزى بېزى راكىغا گىرىپتار بولغان . ئۇلارنىڭ يېشى ، ئېغىرلىقى ، چېنىقىش ئەھۋالى قاتارلىق ئامىللىرىنى ھېسابقا ئالمىغاندا ، ھەر كۈنى 240 گىرام سۈت مەھسۇلاتلىرى ئىستېمال قىلىدىغان ئەرلەرگە قارىغاندا ھەر كۈنى سۈت مەھسۇلاتلىرىنى ناھايتى ئاز ئىستېمال قىلىدىغان ئەرلەرنىڭ مەزى بېزى كېسەللىكىگە گىرىپتار بولۇش ئېھتىماللىقى ئاز بولىدىكەن .
مېۋە بىلەن كۆكتاتنىڭ تەركىبىدىكى قىسمەن ئۆسۈملۈك بىرىكمىسىنىڭ راكقا قارشى تۇرۇش ئىقتىدارى يۇقىرى بولۇپ ، لىكوپېن دەل شۇ تەركىبلەرنىڭ بىرى . لىكوپېن شوخلا ، ئۆرۈك ، ئانار ، تاۋۇز بىلەن قىزىل ئۈزۈمدە كۆپ بولۇپ ، شوخلىدا ئەڭ كۆپ بولىدىكەن ، شۇڭا سۈت ئىچىشكە ئامراق ئەرلەر شوخلىنى كۆپ يېيىشى كېرەك ئىكەن .
ئىز تورى بەك ياخشى
