شىنخۇا تورى بېيجىڭ 18 ــ سېنتەبىر تېلېگراممىسى : خەلق پۇلىنىڭ پېرېۋوت نىسبىتى بۇ ھەپتىدىكى تاشقى پېرېۋوت بازىرىدىكى ئەڭ ئېتىبارغا ئېلىنغان قىزىق نۇقتىغا ئايلاندى . خەلق پۇلىنىڭ پېرېۋوت نىسبىتى ئالدىنقى ھەپتىدىن بۇيان ئۈزلۈكسىز ئۆرلەۋاتقان بولۇپ ، بۇ ھەپتىدە خەلق پۇلى ئامېرىكا دوللىرى پېرېۋوت نىسبىتى ئارىلىق ۋالېنتىغا نىسبەتەن ئۇدا بەش سودا كۈنىدە 2005–يىلدىكى پېرېۋوت نىسبىتى ئۆزگەرتىلگەندىن بۇيانقى يۇقىرى نۇقتىغا چىقىپ ، كۈچلۈك بولغان ئېشىش ۋەزىيىتىنى شەكىللەندۈردى . شۇنىڭ بىلەن بىر ۋاقىتتا ، ئامېرىكا پارلامېنتى جۇڭگونىڭ پېرېۋوت سىياسىتى ئۈچۈن ئۆتكۈزگەن گۇۋاھلىقتىن ئۆتۈش يىغىنى يەنە بىر قېتىم خەلق پۇلىنىڭ پېرېۋوت نىسبىتىنى جامائەتچىلىك كۆڭۈل بۆلىدىغان سەھنىگە چىقاردى .
ئۇدا ئالدىنقى ھەپتىنىڭ بەشىنچى كۈنى 6.7625 پېرېۋوت ئۆزگىرىشى يۇقىرى نۇقتىغا چىققاندىن كېيىن ، بۇ ھەپتىدىكى بەش سودا كۈنىدە ، جۇڭگو تاشقى پېرېۋوت سودا مەركىزى خەلق پۇلىنىڭ ئامېرىكا دوللىرى پېرېۋوت نىسبىتى ئارىلىق ۋالېنتىغا نىسبەتەن 6.76 ، 6.75 ، 6.74 ، 6.73 ، 6.72 لىق ئۆتكەلنى بۆسۈپ ئۆتۈپ ، بەش سودا كۈنىدە 2005 ــ يىلدىكى پېرېۋوت ئۆزگىرىشىدىن بۇيانقى يۇقىرى نۇقتىغا چىققانلىقىنى ، بىر ھەپتە ئىچىدە 453 نۇقتا ئۆسۈپ ، ھەپتىنىڭ بەشىنچى كۈنى 6.7172 غا يەتكەنلىكىنى ئېلان قىلغان .
ئالدىنقى ھەپتىنىڭ تۆتىنچى كۈنىدىن بۇيان ، خەلق پۇلى ، ئامېرىكا دوللىرى پېرېۋوت نىسبىتى ئارىلىق ۋالېنتىغا نىسبەتەن ئۇدا يەتتە كۈن ئۆرلىگەن بولۇپ ، ئۆرلەش مىقدارىنىڭ يىغىندىسى 735 نۇقتىغا يەتكەن . 19 ــ ئىيۇن ، جۇڭگو خەلق بانكىسى پېرېۋوت ئۆزگىرىشىنى قايتا بېكىتكەندىن كېيىن ، خەلق پۇلىنىڭ ئامېرىكا دوللىرى پېرېۋوت نىسبىتى %1.5 يۇقىرىلىغان .
