6-نويابىر كۈرەكلىك يانجىش ماشىنىسى، يول چىڭداش ماشىنىسىنىڭ گۈلدۈرلىگەن ئاۋازلىرى ئاستىدا، جامائەت خەۋپسىزلىكى ئورگانلىرى بىلىم مۈلۈك ھوقۇقىغا دەخلى-تەرۇز قىلىش ۋە ساختا، ناچار تاۋارلارنى ياساش، سېتىش جىنايىتىگە زەربە بېرىدىغان «ئۆتكۈر قىلىچ» ھەرىكىتىدە قولغا چۈشۈرگەن زور بىر تۈركۈم ساختا، ناچار تاۋارلارنى تيەنجىن شەھەرلىك تىياتىرخانىنىڭ ئالدىدىكى مەيداندا مەركەزلىك كۆيدۈردى. شۇ كۈنى، پۈتۈن مەملىكەتتىكى 182 شەھەردە بىرلا ۋاقىتتا 25 مىليوندىن ئارتۇق ساختا داڭلىق ماركا، ساختا يېزا ئىگىلىك ئىشلەپچىقىرىش ۋاسىتىسى، ساختا دورا، ساختا يېمەكلىك مەركەزلىك كۆيدۈرۈلدى. بۇ مەزمۇن ئىز تورىدىن كۆچۈرۈلگەن
جامائەت خەۋپسىزلىكى مىنىستىرلىقى ئۇقتۇرۇش چىقىرىپ، ساختا، ناچار تاۋارلارنى ياساش، سېتىش جىنايىتىگە داۋاملىق، قاتتىق، چوڭقۇر زەربە بېرىش كېرەك دەپ كۆرسەتتى. ئۇقتۇرۇشنىڭ تەلىپىگە ئاساسەن، جامائەت خەۋپسىزلىكى ئورگانلىرى زەربە بېرىش نىشانلىرىنى كېڭەيتىپ، ساختا، ناچار تاۋارلارنى ياساش، سېتىش جىنايەتلىرىنى پەيدا قىلىدىغان تۈرلۈك سودا پارىخورلۇق جىنايەتلىرىگە قەتئىي زەربە بېرىپ، دېلو كۆپ يۈز بېرىدىغان چوڭقۇر قاتلاملىق مەنپەئەت زەنجىرىنى ئۈزۈپ تاشلاپ، ساختا، ناچار تاۋارلارنى ياساش، سېتىش جىنايىتىنىڭ پەيدا بولۇشىنى مەنبەسىدىن توسىدۇ. ئىز تورىدا ئىزلىرىمىز قالسۇن!
مۇخبىر كۆيدۈرۈش نەق مەيدانىدا ساختا ھاراق، ساختا دورا، ساختا يېمەكلىك مېيى، يەنە نۇرغۇن كىتاب، نۇر دىسكىنى كۆردى، جامائەت خەۋپسىزلىكى ئورگانلىرى قولغا چۈشۈرگەن ساختا، ناچار تاۋارلار دۆۋىلىنىپ كەتكەن بولۇپ، ئادەمنى چۆچۈتكۈدەك كۆپ ئىدى. بۇ يىل 3-ئايدا، جېجياڭ، بېيجىڭ، خېنەن، گۈيجۇ قاتارلىق 14 جايدىكى جامائەت خەۋپسىزلىكى ئورگانلىرى پۈتۈن سەپ بويىچە ھۇجۇمغا ئۆتۈپ، ماۋتەي، ۋۇلياڭيې، شۇاڭگۇ قاتارلىق تۈرلۈك سورت، تۈرلۈك ماركىدىكى ساختا، ناچار ئاق ئاراق، ئۈزۈم ھارىقىدىن 134 مىڭ بوتۇلكا، ساختا بوتۇلكا ئاغزى، ھاراق قۇتىسى، ماركا بەلگىسى قاتارلىق ئورالما ماتېرىيالىدىن 13 مىليون 500 مىڭنى قولغا چۈشۈردى. لياۋنىڭدىكى جامائەت خەۋپسىزلىكى ئورگانلىرى 6-ئايدا ساختا، ناچار تاۋارلارنى ياساش، سېتىش ئۇۋىسىدىن 74نى ۋەيران قىلىپ، 540 خىل ساختا، ناچار رېتسىپلىق دورا، ئوكۇل، ساغلاملىق دورىسىدىن 600 مىليون تالنى قولغا چۈشۈردى. خېنەندىكى جامائەت خەۋپسىزلىكى ئورگانلىرى 10-ئايدا جىنلوڭيۈ، لۇخۇا قاتارلىق داڭلىق ماركىلىق يېمەكلىك مېيىدىن 15 مىڭ 573 تۇڭ، جەمئىي 47 توننا، قاچىلاش ئالدىدا تۇرغان مايدىن 98 توننىنى قولغا چۈشۈردى. بېيجىڭدىكى جامائەت خەۋپسىزلىكى ئورگانلىرى 27-ئۆكتەبىر LV، ھېرمىس قاتارلىق داڭلىق ماركىلىق سومكىنىڭ ساختىسىنى ياساش ئۇۋىسىدىن ئوننى ۋەيران قىلىپ، 17 جىنايەت گۇماندارىنى قولغا ئالدى، دېلوغا چېتىشلىق بۇيۇمنىڭ قىممىتى 60 مىليون يۈەندىن ئاشتى. مۇئاۋىن جامائەت خەۋپسىزلىكى مىنىستىرى ليۇ جىنگو كۆيدۈرۈش نەق مەيدانىدا مۇنۇلارنى تەكىتلىدى: ھەر دەرىجىلىك جامائەت خەۋپسىزلىكى ئورگانلىرى مەخسۇس دېلولارنى توپ بىر تەرەپ قىلىش ئەندىزىسىدە چىڭ تۇرۇپ، بىلىم مۈلۈك ھوقۇقىغا دەخلى-تەرۇز قىلىش ۋە ساختا، ناچار تاۋارلارنى ياساش، سېتىش جىنايىتىگە قاقشاتقۇچ زەربە بېرىدۇ.
ئىز تورى www.iz.la
بۇلتۇر 11-ئايدىن تارتىپ، گوۋۇيۈەننىڭ بىر تۇتاش ئورۇنلاشتۇرۇشى بويىچە، پۈتۈن مەملىكەتتىكى جامائەت خەۋپسىزلىكى ئورگانلىرى بىلىم مۈلۈك ھوقۇقىغا دەخلى-تەرۇز قىلىش ۋە ساختا، ناچار تاۋارلارنى ياساش، سېتىش جىنايىتىگە زەربە بېرىدىغان ئۆتكۈر قىلىچ ھەرىكىتىنى يولغا قويۇپ، شىددەتلىك ھۇجۇم قوزغاپ، بارلىق ساقچىلارنى ھەرىكەتلەندۈرۈپ، كۆپ خىل ساقچى تۈرلىرى بىرلىكتە ئىشلەپ، ساختا يېزا ئىگىلىك ئىشلەپچىقىرىش ۋاسىتىلىرى، ساختا دورا، ساختا يېمەكلىك، ساختا داڭلىق ماركىلارغا نۇقتىلىق زەربە بېرىپ، مەنبەسىدىن چىڭ تۇتۇپ، ئۇۋىلار، تورلارنى بىتچىت قىلىپ، قاچقۇن جىنايەتچىلەرنى قوغلاپ تۇتۇپ، ساختا، ناچار تاۋارلارنى ياساش، سېتىش جىنايىتىنىڭ زور بىر تۈركۈم ئىشلەپچىقىرىش، تەمىنلەش، سېتىش زەنجىرىنى ئۈزۈپ تاشلىدى. ھازىرغىچە، بىلىم مۈلۈك ھوقۇقىغا دەخلى-تەرۇز قىلىش ۋە ساختا، ناچار تاۋارلارنى ياساش، سېتىش جىنايى دېلوسىدىن 28 مىڭدىن كۆپرەكى پاش قىلىنىپ، ساختا، ناچار تاۋارلارنى ياساش، سېتىش ئۇۋىسىدىن 22 مىڭدىن كۆپرەكى ۋەيران قىلىنىپ، ساختا، ناچار تاۋارلارنى سېتىش جىنايەت شايكىسىدىن 6700 دىن كۆپرەكى يوقىتىلدى، دېلوغا چېتىشلىق قىممەت 18 مىليارد يۈەندىن ئاشىدۇ. ئىز تورى ئىز تورى ئىز تورى ئىز تورى ئىز تورى ئىز تورى ئىز تورى ئىز تور
جامائەت خەۋپسىزلىكى مىنىستىرلىقىنىڭ بىر تۇتاش قوماندانلىقىدىكى ساختا ھاراق، ساختا دورا ياساش، سېتىشقا زەربە بېرىش ھەرىكىتىدە، جايلاردىكى جامائەت خەۋپسىزلىكى ئورگانلىرى يېقىندا مەركەزلىك ھەرىكەت قوزغاپ، تورنى بىر تۇتاش يىغىپ، سەككىز ئۆلكە، مەركەزگە بىۋاسىتە قاراشلىق شەھەرگە چېتىشلىق كوللېكتىپ ئىشلەپچىقىرىش، توپ سېتىش، پارچە سېتىش بىر گەۋدىلەشكەن ئالاھىدە چوڭ ساختا، ناچار دورىلارنى ياساش، سېتىش دېلوسىدىن بىرنى، 12 ئۆلكە، مەركەزگە بىۋاسىتە قاراشلىق شەھەرگە چېتىشلىق، مۇكەممەل كەسىپ زەنجىرى ھەم سېتىش تورىغا ئىگە ئالاھىدە چوڭ ساختا، ناچار ھاراق ۋە ئورالما ماتېرىيالىنى ياساش، سېتىش دېلوسىدىن بىرنى ئارقا-ئارقىدىن پاش قىلدى. جامائەت خەۋپسىزلىكى مىنىستىرلىقى ئىقتىسادىي جىنايەتنى تەكشۈرۈش ئىدارىسىنىڭ باشلىقى مېڭ چىڭفېڭ مۇنداق دېدى: جامائەت خەۋپسىزلىكى ئورگانلىرى قاتتىق، كۆپ، چوڭقۇر، توغرا زەربە بېرىش تەپەككۇرى بويىچە، بىلىم مۈلۈك ھوقۇقىغا دەخلى-تەرۇز قىلىش ۋە ساختا، ناچار تاۋارلارنى ياساش، سېتىش جىنايىتىگە قاتتىق زەربە بېرىپ، بىر تۈركۈم يېڭى جىنايەت يىپ ئۇچىغا ئىگە بولدى. بۇ مەزمۇن ئىز تورىدىن كۆچۈرۈلگەن
