ئىز تورى-爱智网

　　   قۇملۇقنى، 30 چاقىرىم بوران ئېغىزىنى كېسىپ ئۆتكەن تۆمۈر يول لىنىيەسى، سائەتلىك سۈرئىتى 50 كىلومېتىر بولغان ھاۋا تەڭشىگۈچ بولمىغان كۆك پويىز، لىنىيە بويىدىكى بەش مىليون پۇقراغا　نېمە ئېلىپ كېلىدۇ ؟ «كۆز ئالدىمىزدا بۇ كۆك پويىز ئەمەس بەلكى ئالتۇن پويىز». 5826- قېتىملىق پويىزنىڭ يولۇچىسى، دۆلەتلىك ئېلېكتىر تورى يەكەن ناھىيەلىك ئېلېكتىر قۇۋۋىتى شىركىتىدە ئىشلەۋاتقان بارى ئابدۇرۇشىتنىڭ ئۆيى قەشقەردە بولۇپ، ھەر ئۈچ كۈندە يەكەندىن قەشقەرگە بېرىپ كېلەتتى. پويىز بېلىتى ئاپتوبۇس بېلىتىگە قارىغاندا 30يۈەن ئەرزان ئىدى، ئۇ بىر ئايدا نەچچە يۈز يۈەن قاتناش ھەققىنى ئىقتىساد قىلىپ قالاتتى. بۇ پويىزدا ئولتۇردىغانلارنىڭ ھەممىسى ئۆيى بارلار.　ھازىر بېلەت باھاسى مۇۋاپىق بولدى، ئاپتوبۇسقا قارىغاندا بىر سائەت تېز بولدى، ئادەتتىكى قۇم-بورانغا ئۇچراپ قالسىمۇ ماڭالايدۇ. ئومۇمىي ئۇزۇنلۇقى 485 كىلومېتىر كېلىدىغان قەشقەر خوتەن تۆمۈر يولى قەشقەردىن يولغا چىقىپ، يېڭىشەھەر، ئاقتۇ، يېڭىسار، يەكەن، پوسكام، قاغىلىق، گۇما، قاراقاشتىن ئۆتۈپ خوتەنگە بارىدۇ. بۇ ناھىيەلەرنىڭ ھەممىسى نامرات ناھىيەلەر بولۇپ، تۆمۈر يولنىڭ ئۈرۈمچىدىن خوتەنگىچە بولغان ئەڭ تۆۋەن توشۇش ھەققىمۇ ھەر بىر كىلومېتىرىنىڭ بەش يېرىم فۇڭ، ئۈرۈمچىدىن قەشقەرگىچە بولغان مۇساپە 2072 كىلومېتىر، قاتتىق ئورۇندۇقنىڭ باھاسى 113 يۈەن بولۇپ، ئاپتوبۇس باھاسىنىڭ %40ى، ئايروپىلان باھاسىنىڭ %8گە تەڭ، قاراقاشتىن خوتەنگىچە بولغان نەچچە ئون كىلومېتىر يولنىڭ پويىز بېلىتى باھاسى 2.5يۈەن. خوتەن قەشقەر تۆمۈر يولى خوتەن ۋىلايىتىدە تۆمۈر يول بولماسلىق تارىخىغا خاتىمە بەردى. بۇ يىل 6-ئاينىڭ 28-كۈنى قاتناش باشلانغاندىن بۇيان، توشۇلغان يولۇچى　610مىڭ ئادەم قېتىمغا يەتتى، يولۇچىلارنىڭ پايدىلىنىش نىسبىتى %93.5كە يەتتى. يولۇچىلارنىڭ كۆپىنچىسى ئۇيغۇرلار، بەزىدە ياشانغانلار، بالىلار كۆپ، يۈك تاقلارمۇ كۆپ، پويىز خىزمەتچىلىرى قوش تىلدا مۇلازىمەت قىلىپلا قالماستىن بەلكى مېھرىبانلىق ۋە سەۋرچانلىق بىلەن مۇئامىلە قىلىدۇ. بىخەتەرلىك خادىمى مۇختەر ئاكا پويىزدىكى «ماسلاشتۇرۇش مۇتەخەسسىسى»، تۈرلۈك مەسىلىلەرنى ئاسانلا ھەل قىلىدۇ. ئۇ بىر ئۇيغۇر يىگىتىنىڭ ئورۇندۇق ئۈستىدە يېتىۋېلىپ،يولدىن ئۆتكەنلەرنى توسۇۋالغانلىقىنى كۆردى،　نەسىھەت قىلسىمۇ ئۇنىڭ قۇلىقىغا كىرمەيتتى، ئۇ كۈلۈمسىرىگەن ھالدا: بىز ئۇيغۇر بالىلىرى چىرايلىق، ئۇخلىغاندىمۇ چىرايلىق ئۇخلايلى» دېۋىدى، يىگىت دەرھال كۈلگەن پىتى ئورنىدىن تۈرۈپ كەتتى. 33ياشلىق پويىز خىزمەتچىسى ساڭ جىنخۇا موڭغۇلچە، ئۇيغۇرچە، خەنزۇچە، قازاقچە بىلىدۇ. پويىز تەكلىماكان قۇملۇقىدىن ئۆتۈۋاتقاندا كۈچلۈك قۇم-بوران چىقىپ، ۋاگون ئىچىدە ھېچنېمىنى كۆرگىلى بولمايتتى. ساڭ جىنخۇانىڭ يۈزلىرىنىڭ تېرىسى چۈشۈپ كەتكەنىدى، ئۇ يەنىلا ۋاگون ئىچىدە يۈگۈرۈپ يۈرۈپ كۈلۈمسىرەپ مۇلازىمەت قىلدى، بۇنىڭدىن تەسىرلەنگەن ئۇيغۇر ئاياللىرى ئۇنى يىنىغا تارتىپ، تىرە چۈشۈشنىڭ ئالدىنى ئالىدىغان ئۇسۇللارنى ئۇنىڭغا دەپ بەردى. پويىز ساقچىسى فەن خەينى كىشىلەر «كۆچمە ساقچىخانا» دەيدۇ، يولۇچىلارنىڭ ئۇرۇق-تۇققانلىرىنى ئىزدىنىشىگە، يۇتۇپ كەتكەن نەرسىلىرىنى تېپىپ بېرىشكە ياردەم بېرىش ئۈچۈن، ئۇ دائىم تاماقنى ۋاقتىدا يېيەلمەيتتى. پويىز يەكەندىن پوسكامغا كېتىۋاتقاندا، 13-ۋاگوندىكى يولۇچى رازىيەم جامالنىڭ ئۈچ بالىسىنىڭ بىرى يوقاپ كېتىدۇ، رازىيەم جىددىيلەشكىنىدىن يىغلاپ كېتىدۇ. پويىز يەنە 20 مىنۇتتىن كېيىن توختايتتى. فەن خەي تېزدىن ۋاگونمۇ ۋاگون ئاختۇرۇپ، ئاخىرى 3-ۋاگوندىن يوقاپ كەتكەن قىزچاقنى تاپىدۇ. رازىيەم بالىسىنى قۇچاقلىغىنىچە ھەم يىغلاپ ھەم كۈلۈمسىرەپ: فەن خەينىڭ يانچۇقلىرىنى يېمىش، ئۆرۈك قېقى بىلەن تولدۇرۇپ قويدى. «پويىز ياخشى، پويىزغا چىققانلار تېخىمۇ ياخشى. پويىزدا ساقچىخانا بار، چوڭ يۈك تاقلارغىمۇ پۇل ئالمايدۇ، باشقىلار بالىلارغا قاراپ بېرىدۇ، چوڭلارنىڭ ھالىدىن خەۋەر ئالىدۇ، بىر ئائىلە كىشىلىرى ئىسسىق مۇسۇلمانچە تاماق يېيەلەيدۇ». 65 ياشلىق تىجارەتچى مامۇت سىدىق ئۈرۈمچىدىن خوتەننىڭ گۇما ناھىيەسىگە كېتىۋاتقانىدى. بىر پويىز بېلىتىنىڭ باھاسى 107 يۈەن، ئاپتوبۇسقا قارىغاندا 170 يۈەن ئەرزان، بىز 10 ئادەم بىراقلا 1700يۈەن ئىقتىساد قىلىپ قالدۇق. قايتىپ بېرىپ بىز گۇما بازىرىدىكى بارلىق كىشىلەرگە: بۇنىڭدىن كېيىن پويىزغا ئولتۇرۇڭلار، قۇلايلىق ئىكەن، دەيمىز، دېدى.