قارا بوران «ئايرىن» ئامېرىكا سۇغۇرتا ك...

　　 قارا بوران «ئايرىن» 29-ئاۋغۇست سائەت 9دا نيۇيوركقا يېتىپ كەلگەندە كۈچى ئاجىزلاپ ئىسسىق بەلباغ بورىنىغا ئۆزگىرىپ، بۇزغۇنچىلىق كۈچى ئاجىزلىدى، سۇغۇرتا شىركەتلىرى بۇ قارا بوران پەيدا قىلغان زىيانغا قانچىلىك تۆلەم تۆلەيدىغانلىقىنى مۆلچەرلەش بىلەن ئالدىراش بولۇپ كەتتى. بەزى شىركەتلەر ئىلگىرىكىگە قارىغاندا ئازراق تۆلەم تۆلىشىمىز مۇمكىن، دەپ مۆلچەرلەشتى. تەبىئىي ئاپەت زىيىنىنى مۆلچەرلەش شىركىتى Analysis kineticنىڭ مۆلچەرلىشىچە، «ئايرىن» ئامېرىكا سۇغۇرتا كەسپىنى تەخمىنەن 2 مىليارد 600 مىليون دوللار تۆلەم تۆلەشكە مەجبۇر قىلىدىكەن. Eqecat شىركىتىنىڭ مۆلچىرىگە قارىغاندا، سۇغۇرتا شىركەتلىرى شىمالىي كارولىنا ۋە جەنۇبىي كارولىنا ئىشتاتلىرىدا　200 مىليون ئامېرىكا دوللاردىن 400 مىليون ئامېرىكا دوللارغىچە تۆلەم تۆلەيدىكەن، بۇ، 1999-يىلىدىكى قارا بوران «فرېئۇد» پەيدا قىلغان 1 مىليارد 400مىڭ ئامېرىكا دوللاردىن خېلىلا ئاز بولىدىكەن. ئامېرىكىدىكى ئەڭ چوڭ ئاپتوموبىل ۋە تۇرالغۇ سۇغۇرتا شىركىتى مۇنداق دېدى: 27-ئاۋغۇستقىچە شىمالىي كارولىنا ئىشتاتى، ۋىرگىنىيە ئىشتاتى، پېنسىلۋانىيە ئىشتاتى، يېڭى جېرسېي ئىشتاتى، نيۇيورك ئىشتاتى قاتارلىق جايلاردا 3000 يۈرۈش ئۆي ۋە 670 ئاپتوموبىل ئۈچۈن سۇغۇرتا تۆلىمى تۆلىنىدۇ، دەپ ئەنگە ئېلىندى. قارا بوران «ئايرىن» ئامېرىكىنىڭ شەرقىي دېڭىز قىرغىقىدا قارا يامغۇر ۋە بوران پەيدا قىلغاچقا، دەريا - ئېقىنلاردا سۇ ئۇلغىيىپ، قىيان پەيدا بولدى، 12 ئىشتاتتا توك ئۈزۈلۈپ قالدى، دېڭىز بويىدىكى ئۆي، ئاپتوموبىل قاتارلىق مۈلۈكلەر بۇزغۇنچىلىققا ئۇچرىدى، تالاپەتمۇ كۆرۈلدى. قارا بوران «ئايرىن» نيۇيوركقا كەلگەندە سەل-پەل ئاجىزلاپ، سائەتلىك سۈرئىتى 104 كىلومېتىرلىق ئىسسىق بەلباغ بورىنىغا ئايلىنىپ، شىمالدىكى يېڭى ئېنگلاند رايونىغا قاراپ داۋاملىق ئىلگىرىلىدى. سۇغۇرتا ساھەسىدىكى تەھلىلچىلەرنىڭ مۆلچىرىگە قارىغاندا، سۇغۇرتا شىركەتلىرى ئۆي، ئاپتوموبىل قاتارلىق مال-مۈلۈكلەر ئۈچۈن تۆلەم تۆلىگەندىن باشقا، يەنە مەجبۇرىي تارقاقلاشتۇرۇلغانلارنىڭ ياتاق ھەققى قاتارلىق تۇرمۇش راسخوتلىرىنىمۇ تۆلەيدىكەن. ئىستاتىستىكا قىلىنىشىچە، قارا بوران «ئايرىن» يېتىپ كېلىشتىن ئىلگىرى تەخمىنەن 2 مىليون ئادەم ھۆكۈمەتنىڭ بۇيرۇقىغا بىنائەن ئويمانلىقلاردىن چېكىندۈرۈلۈپ، ئاساسەن نيۇيورك ۋە يېڭى جېرسېي ئىشتاتىغا ئورۇنلاشتۇرۇلغان، بۇ جايلاردا ياتاق ھەققى بىر قەدەر ئۆرە، بۇمۇ سۇغۇرتا شىركەتلىرىنىڭ يۈكىنى ئېغىرلاشتۇرۇۋېتىدۇ، ئۇنىڭدىن باشقا، نيۇيوركتىكى چوڭ ئايروپورتلاردا 10 مىڭ قېتىمدىن ئارتۇق نۆۋەتچى ئايروپىلاننىڭ ئۇچۇشى ئەمەلدىن قالدۇرۇلغان، بۇنىڭدىن كېلىپ چىققان زىيانمۇ سۇغۇرتا شىركەتلىرىنىڭ يۈكىنى ئېغىرلاشتۇرۇۋېتىدۇ. 2011-يىلى ئامېرىكا سۇغۇرتا كەسپى ئۈچۈن ئېيتقاندا «پالاكەت باسقان يىل» بولدى. ياپونىيەدە كۈچلۈك يەر تەۋرىدى، ئاۋسترالىيەدە ئىسسىق بەلباغ بورىنى چىقتى، ئامېرىكىدا قۇيۇن ئاپىتى يۈز بەردى، بۇ ئاپەتلەر زور ئىقتىسادىي زىيان پەيدا قىلدى. ئەمدىلىكتە قارا بوران «ئايرىن»مۇ زور زىيان پەيدا قىلدى، سۇغۇرتا كەسپى خىرىسقا دۇچ كەلدى. Analysis kinetic نىڭ　مۆلچەرلىشىچە، قارا بوران «ئايرىن» ئامېرىكا ئىقتىسادىغا تەخمىنەن 7 مىليارد ئامېرىكا دوللار زىيان سالىدىكەن.

بىز ھەممىمىز ئىز تورىنى ياخشى كۆرىمىز!

　　　　　　　　　 

خەتكۈچلەر:

ئىز تورى-爱智网

قارا بوران «ئايرىن» ئامېرىكا سۇغۇرتا ك...