1997-يىلى بۈگۈنكى كۈندە، ئوتتۇرا ئامېرىكا قىتئەسىدىكى دۆلەتلەر ئوتتۇرا ئامېرىكا قىتئەسى ئىتتىپاقى قۇرۇشنى قارار قىلغان. ئوتتۇرا ئامېرىكا قىتئەسىدىكى دۆلەتلەرنىڭ رەھبەرلىرى ماناگۋادا ئالاھىدە يىغىن ئېچىپ، رايوننىڭ بىر گەۋدىلىشى مەسىلىسىنى مۇزاكىرە قىلدى. يىغىندا ئوتتۇرا ئامېرىكا قىتئەسىنىڭ سىياسىي، ئىقتىسادىي، ئىجتىمائىي ۋە مەدەنىيەت جەھەتتە بىردەكلىككە ئىكەنلىكىنى، ھەرقايسى دۆلەت خەلقىنىڭ ئورتاق تارىخ ۋە مەدەنىيەتكە ئىگە ئىكەنلىكىنى، بۇنىڭ دەل ئوتتۇرا ئامېرىكا قىتئەسى ئىتتىپاقىنى تۈزۈشتە ھالقىلىق رول ئوينايدىغانلىقىنى ئېيتتى.
1947-يىلى بۈگۈنكى كۈندە، ئامېرىكا لاتىن ئامېرىكىسىدىكى 18 دۆلەت بىلەن بىرلىكتە «رىيودىژانىرو شەرتنامىسى» نى ئىمزالىدى. ئامېرىكا بۇ شەرتنامىنى 1947–يىلنىڭ بېشىدىن باشلاپلا پىلانلىغان. بۇ شەرتنامىدە ئاساسلىقى «سوغۇق مۇناسىۋەتلەر ئۇرۇشى» ئارقا كۆرۈنۈش قىلىنغان. بۇ كېلىشىمدىكى ئەڭ ئاساسلىق ماددا شۇكى، ئامېرىكا قىتئەسىدىكى ھەر قانداق بىر دۆلەتكە قىلىنغان ھۇجۇمنىڭ ھەممىسى بارلىق ئامېرىكا قىتئەسىگە قىلىنغان ھۇجۇم، دەپ قارىلىدۇ، چۈنكى شەرتنامە تۈزگەن بارلىق دۆلەتنىڭ بىۋاستە ھۇجۇمغا ئۇچرىغان دۆلەتكە ياردەم بېرىش مەجبۇرىيىتى بار. بارلىق دۆلەتلەر مۇۋاپىق ئاپپاراتىغا تايىنىپ نۇقتىلىق ھالدا ياردەم بېرىش چارىلىرىنى قوللىنىدۇ.
ئىز تورىدا ئىزلىرىمىز قالسۇن!
1958–يىلى بۈگۈنكى كۈندە، ھازىرىقى مەركىزى تېلىۋىزىيە ئىستانسى، ئەينى ۋاقىتتىكى بېيجىڭ تېلېۋىزىيە ئىستانسىسى رەسمى پروگىرامما كۆرسىتىشنى باشلىدى. ئەينى چاغدا كۆرسىتىش زالىنىڭ كۆلىمى ئاران 50 نەچچە كۋادىرات مېتىر بولۇپ، رپىتىسىيە ئۆي ۋاقتىنچە ئۆزگەرتىپ ياسالغانىدى. كۆرسىتىش باشلانغان كۈنىدىكى رەڭىسز تېلېۋىزىيە پروگىراممىلىرىدا ئاساسلىقى ئىلغار ئىشلەپچىقارغۇچىلارنىڭ نۇتقى، ئاخباراتلىق ھۆججەتلىك فىلىملەر، پەننى تەربىيۋى فىلىملەر، شېئىر دېكلاماتسىيىسى ۋە ئۇسۇل قاتارلىق پروگىراممىلار قويۇلغانىدى.
1937–يىلى بۈگۈنكى كۈندە، ھازىرقى زامان ئولىمپىك تەنھەرىكەت مۇسابىقىسىنىڭ قۇرغۇچىسى پېئېررى دې كوبېرتىن ئالەمدىن ئۆتكەن. ئۇ شۇنداقلا يەنە داڭلىق تارىخشۇناس ۋە مائارىپچى. ئۇ نۇرغۇن تىرىشچانلىق كۆرسىتىش ئارقىلىق، ئاخىرى 1889 – يىلى پارىژدا خەلقئارا تەنتەربىيە يىغىنىنى مۇۋەپپەقىيەتلىك ئۆتكۈزۈپ، خەلقئارا ئولىمپىك كومىتېتىنى قۇرۇپ چىققان. ئۇ 1896 – يىلىدىن 1925–يىلىغىچە ئولىمپىك تەنھەرىكەت كومىتېتىنىڭ رەئىسى بولغان، ئۇ 1937–يىلى 2–سېنتەبىر جەنۋەدە كېسەللىك سەۋەبى بىلەن بۇ ئالەمدىن مەڭگۈلۈك خوشلاشقان.
ئىز تورىدا ئىزلىرىمىز قالسۇن!
