ئىز تورى-爱智网

　　   1998-يىلى بۈگۈنكى كۈندە، روسىيە توردا ناتسېستلارنىڭ ئارخىپىنى كىم ئارتۇق قىلىپ ساتقان. بۇنىڭ ئىچىدە گېتلىرىنىڭ باش ئالاقىچىسنىڭ كۈندىلىك خاتىرىسى بار. بۇ ئارخىپلارنى سوۋىت ئىتتىپاقى قىزىل ئارمىيىسى 2-دۇنيا ئۇرۇشى مەزگىلىنىڭ ئاخىرقى مەزگىلىدە بېرلىننى ئىشغال قىلغاندا قولغا چۈشۈرگەن. بۇ ماتېرىيال بىر مىليون بەت كېلىدۇ. 1985-يىلى بۈگۈنكى كۈندە، تىتانىك ناملىق پاراخوتنىڭ قالدۇقلىرى بايقالغان. تىتانىك ناملىق پاراخوتقا زادى نېمە بولغان؟ تۆۋەندىكى «تىتانىك» ناملىق كىنونىڭ ۋەقەلىكىنى كۆرسىڭىز بۇ سۇئالغا جاۋاب تاپالايسىز. 1998-يىلى 3-ئاينىڭ 23-كۈنى «تىتانىك»فىلىمى 11 تۈرلۈك ئوسكار مۇكاپاتىغا ئېرىشكەن. بۇ فىلىمغا 200 مىليون ئامېرىكا دوللىرىلىق مەبلەغ سېلىنغان بولۇپ،　فىلىمنىڭ بېلەت كىرىمى بىر مىليارد 800 مىليون ئامېرىكا دوللىرىدىن ئېشىپ كەتتى. «تىتانىك» فىلىمى 1998-يىلى ئەڭ نادىر فىلىم، ئەڭ ياخشى رېژىسسور مۇكاپاتى قاتارلىق 11 تۈردە ئوسكار مۇكاپاتىغا ئېرىشكەن. 1998-يىللىق ئوسكار مۇكاپاتىنى تارقىتىش كېچىلىكىدە، ئوسكار مۇكاپاتى لوڭقىسىنى ئېگىز كۆتۈرگەن كامېرون ھاياجانلانغان ھالدا ئۆزىگە ياردەم قىلغان ھەربىر كىشىگە چەكسىز رەھمىتىنى بىلدۈرگەن. مۇكاپات تارقىتىش كېچىلىكىدىكى ھەممەيلەن ئۇنىڭ ئۈچۈن گۈلدۇراس ئالقىش ساداسى ياڭراتقان. كامېرون سۆزىنىڭ ئاخىرىدا«مەن دۇنيانىڭ پادىشاھى» دەپ كۈچلۈك ۋاقىرىغان. فىلىمنىڭ قىسقىچە مەزمۇنى تۆ’ەندىكىچە: 1912-يىلى شىمالىي ئاتلانتىك ئوكيانغا چۆكۈپ كەتكەن تىتانىك ناملىق پاراخوتتىكى «ئوكيان يۈرىكى» ناملىق بىباھا گۆھەرنى ئىزدەش ئۈچۈن، ئېكىسپىدىتسىيەچى بۇلوك چۆكۈپ كەتكەن پاراخوتتىن داتلىشىپ كەتكەن بىخەتەرلىك ساندۇقىنى تاپىدۇ. كۈتۈلمىگەندە، ساندۇقنىڭ ئىچىدىن بېرليانت زەنجىر تاقىغان قىزنىڭ سىزما رەسىمى تېپىلىدۇ. بۇ خەۋەرنى تېلۋىزۇردىن كۆرگەن 100 ياشلىق موماي ھاياجانلانغىنىدىن، بۇلوكنىڭ قېشىغا كېلىدۇ، بۇ ئاپئاق چاچلىق موماي دەل رەسىمدىكى روۋز دوۋسن. يەنى فىلىمدىكى ئايال باش پېرسۇناژ. روۋز شۇنىڭ بىلەن 1912-يىلىدىكى تىتانىك پاراخوتىدىكى بولغان ئەھۋاللارنى سۆزلەشكە باشلايدۇ. فىلىم چېكىنمە بايان ئۇسۇلىدا يېزىلغان بولۇپ، 100 ياشلىق روۋزنىڭ 1912-يىلىدىكى ھېكايىسى بىلەن باشلىنىدۇ. فىلىمدىكى ئەر پېرسۇناژ دېك دوۋسن ئەسلى تىتانىك ناملىق پاراخوتقا چىقىش نىيىتى يوق ئىدى. پەقەت بىر قېتىملىق قىماردا تىتانىك پاراخوتىنىڭ بېلىتىنى ئۇتۇۋالغان. ئۇ پاراخوتنىڭ 3-بۆلۈمىدە تۇراتتى، روۋز بولسا ئەڭ ئالىي قەۋىتىدە ئىدى. روۋزنىڭ ئائىلىسى ئاق سۆڭەڭ بولۇپ، ئاپىسى بىلەن ئىككىسىلا ئىدى، دادىسى ئۆلۈپ كەتكەچكە، مال مۈلكى تۈگەپ قالغان. پەقەت ئۇلارنىڭ ئاق سۆڭەك دېگەن نامىلا قالغانىدى. روۋزنىڭ بوغۇز يولدىشىمۇ ئىنتايىن باي ئىدى. لېكىن زوۋز ئۇنى ياخشى كۆرمەيتتى. ئاپىسىنىڭ زورلىشى ۋە ئائىلىسىنىڭ ئىقتىسادىي ئەھۋالىنىڭ ناچارلاشقىنىغا قاراپ ئامالسىز بوغۇز يولدىشى بىلەن تويلاشماقچى بولغان.　ئۇ بىر كۈنى كۆڭلى يېرىم ھالدا پاراخوتنىڭ ئەڭ ئۇچىدا ئولتۇرۇپ،بىپايان دېڭىزغا نەزەر سالماقتا ئىدى. بۇنى جېك تۇيۇقسىز كۆرۈپ قېلىپ، روۋزنى ئۆلۈۋالماقچى ئوخشايدۇ دەپ قېلىپ، ئۇنى قۇتقۇزۇشقا بارغان. روۋز ئېھتىيادسىزلىقتىن پاراخوتتىن چۈشۈپ كېتىشكە تاس قالىدۇ، جېك ئۇنى قۇتقۇزىۋالىدۇ. بۇ ئۇلارنىڭ تۇنجى قېتىم كۆرۈشىشى ئىدى. جېكنىڭ رەسىم سىزىش قابىلىيىتى ئىنتايىن ئۈستۈن بولۇپ، روۋزنىڭ رەسىملىرىنى سىزىدۇ،　پاراخوتتا يوشۇرۇنچە كۆپ قېتىم كۆرۈشۈپ، بىر-بىرىنى ئىنتايىن ياخشى كۆرۈپ قالىدۇ، بۇنى سېزىپ قالغان روۋزنىڭ بوغۇز يولدىشى جېكقا زىيانكەشلىك قىلىپ، ئۇنى سولاپ قويىدۇ. دەل مۇشۇ ۋاقىتتا تىتانىك شىمالىي مۇز ئوكياندىكى مۇز تاغقا ئۇرۇلۇپ، پاراخوتقا سۇ كىرىشكە باشلايدۇ. پاراخوتتىكى ھەممە كىشى ئالاقزادە بولۇپ كېتىدۇ. روۋز جېكنى ئىزدەپ، ئۇنى قۇتۇلدۇرۇپ چىقىدۇ. پاراخوتنىڭ چۆكۈشى تېخىمۇ تېزلىشىدۇ، بەزى ھاياتتىن ئۈمىدىنى ئۈزگەن كىشىلەر پاراخوتتا تىنچلا ئۆلۈش ئۇسۇلىنى تاللايدۇ، بەزىلەر تاكى سۇغا غەرق بولغۇچە مۇزىكا چېلىپ، تەبىئەتنىڭ كۈچىگە باش ئېگىدۇ. ئەلۋەتتە كۆپ قىسىم كىشى ھايات قېلىش ئۈچۈن تىركىشىدۇ. روۋزنىڭ بوغۇز يولدىشى بۇ ۋاقىتتا روۋزنى ئويلاپمۇ قويماي شەخسىيەتچىلىك قىلىپ، ئاياللار ۋە بالىلارنى قۇتقۇزىدىغان قولۋاققا چىقىپ، قۇتۇلۇپ قالىدۇ. پاراخوت چۆكۈك كېتىپ ھەممەيلەن نۆلدىن تۆۋەن تېمپىراتورىلىق دېڭىز سۈيىدە قالىدۇ. نۇرغۇن كىشىلەر قۇتقۇزۇش خادىملىرى كەلگۈچە دېڭىز سۈيىدە توڭلاپ ئۆلۈپ كېتىدۇ. جېك سۇ ئۈستىدە لەيلەپ قالغان پاراخوتنىڭ ئىشىكىگە روۋزنى چىقىرىپ، ئۆزى سۇدا تۇرۇپ، توڭلاپ قالىدۇ. بۇ جەرياندىكى كۆرۈنۈشلەر تولىمۇ تەسىرلىك بولۇپ، جېكنىڭ روۋزغا بولغان ھەقىقىي مۇھەببىتىن تەسىرلەنمەي تۇرالمايسىز. 1983-يىلى بۈگۈنكى كۈندە، كورىيەنىڭ يولۇچىلار ئايروپىلانى سوۋىت ئىتتىپاقىنىڭ باشقۇرۇلىدىغان بومبىسى تەرىپىدىن ئېتىپ چۈشۈرۈلگەن، بۇ ۋەقەنىڭ سىرى ھازىرغىچە ئېچىلمىغان. 1974-يىلى بۈگۈنكى كۈندە، 7-نۆۋەتلىك ئاسىيا تەنھەرىكەت يىغىنى ئېراننىڭ پايتەختى تېھراندا ئۆتكۈزۈلگەن، 25 دۆلەت ۋە رايوندىن كەلگەن 2400 گە يېقىن تەنھەرىكەتچى 16 تۈرلۈك مۇسابىقىگە قاتناشقان، جۇڭگو 33 ئالتۇن مېدالغا ئېرىشىپ، ئالتۇن مېدال سانى جەھەتتە ئۈچىنچى ئورۇندا تۇرغان. ياپونىيە 74 ئالتۇن مېدال بىلەن 1-ئورۇندا تۇرغان. بۇ مەزمۇن ئىز تورىدىن كۆچۈرۈلگەن
1965-يىلى بۈگۈنكى كۈندە، شىزاڭ ئاپتونۇم رايونى قۇرۇلغان.