1-ئۆكتەبىر، مەملىكەتلىك سىياسىي كېڭەشنىڭ مۇئاۋىن رەئىسى دۇڭ جىيەنخۇا، شىياڭگاڭ ئالاھىدە رايونى ھۆكۈمىتىنىڭ باش مەمۇرى لىياڭ جىنيىڭ، شىياڭگاڭ ئالھىدە مەمۇرى رايونىنىڭ سابىق باش مەمۇرى چىڭ يىنچۈەن، مەركىزى ھۆكۈمەتنىڭ شىياڭگاڭدا تۇرۇشلۇق ئالاقە ئىشخانىسىنىڭ مۇئاۋىن مۇدىرى لى گاڭ، دېپلۇماتىيە مىنىستىرلىقىنىڭ شىياڭگاڭدا تۇرۇشلۇق ئالاھىدە خاس ۋەكىل مەھكىمىسىنىڭ ئالاھىدە خاس ۋەكىلى خۇڭ شاۋيۇڭ، ئازادلىق ئارمىيىنىڭ شىياڭدا تۇرۇشلۇق قوماندانى جاڭ سىپو قاتارلىق مېھمانلار دۆلەت بايرىمىلىق بايراق چىقىرىش مۇراسىمىغا قاتناشتى. شۇ كۈنى، شىياڭگاڭ ئالاھىدە مەمۇرىي رايونى ھۆكۈمىتى جىن زىجىڭ مەيدانىدا بايراق چىقىرىش مۇراسىمى ئۆتكۈزۈپ، جۇڭخۇا خەلق جۇمھۇرىيىتى قۇرۇلغانلىقىنىڭ 63 يىللىقىنى تەبرىكلىدى.

سائەت 7:50 دە، ئۇچىسىغا مۇراسىم كىيىمى كىيگەن شىياڭگاڭ ساقچى مۇزىكا ئەترىتى بىلەن ھەر قايسى ئىنتىزام ئەترىتى ھۆرىمەت قاراۋۇللىرى، بايراق ئەترىتى ۋە بايراق قوغدىغۇچىلار ئەترىتى خادىملىرى رەتلىك قەدەم بىلەن مەيدانغا كىرىپ كەلدى. سائەت 7:55 ئۆتكەندە، باش مەمۇر لىياڭ جىنيىڭ مەيدانغا كىرىپ كەلدى ۋە يول بويىدىكى شەھەر ئاھالىلىرى بىلەن قول ئىلىشىپ كۆرۈشتى. سائەت سەككىزدە، بەش يۇلتۇزلۇق قىزىل بايراق بىلەن شىياڭگاڭ ئالاھىدە رايونىنىڭ رايون بايرىقى چىقىرىلدى. ئالاھىدە رايونلۇق ھۆكۈمەتنىڭ ئۇچۇش مۇلازىمەت ئەترىتى ئايرىم-ئايرىم دۆلەت بايرىقى ۋە رايون بايرىقىنى ئېسىپ تىك ئۇچار ئايروپىلاندا ئۇچۇپ بولشۇقتا ھۆرىمەت بىلدۈردى.