نۆۋەتتە بانكىلارنىڭ كىردىت سوممىسى قىس بولۇپ، بىر پەسىل ئىچىدە بۇ خىل ئەھۋالنىڭ ئۆزگۈرۈشى ناھايىتى تەس، بۇ شىڭخەيدىكى بانكا ساھەسىدىكى كۆپلىگەن زاتلارنىڭ ئورتاق قارىشىدۇر.بۇنىڭ بىلەن بىر ۋاقىتتا يەنە ، ئاكسىيە دەۋىر گېزىتىنىڭ مۇخبىرىنىڭ ئىگەللىشىچە، ساڭخەيدىكى كۆپ قىسىم بانكىلارنىڭ يۈرۈشلۈك ئۆيلەرگە بېرىدىغان قەرىز پۇل ئۆلچىمى 10 % ئۆسكەن.

بانكا ساھەسىدىكى زاتلارنىڭ چۈشەندۈرۈشىچە، بۇ يىل 1-ئايدا، بىر قىسىم بانكىلار ئولتۇراق ئۆيگە بېرىدىغان قەرىز پۇل تارقىتىشنى ۋاقتىنچە توختاتقان. بىراق يەنە كۆپ قىسىم بانكىلار 85 % لىك قەرىز بىلەن تەمىنلىگەن.بىراق 2-ئايدىن باشلاپ، يۈرۈشلۈك ئۆي سېتىۋېلىشقا بېرىلدىغان قەرىز-ئۆسۈم نىسبىتىنى ئۆستۈرۈپ مەركىزىي بانكىنىڭ ئۆلچىمىگە يەتكۈزدى.  نۆۋەتتە ، ساڭخەيدە نۇرغۇنلىغان بانكىلار يۈرۈشلۈك ئۆي سېتىۋېلىشقا بېرىدىغان قەرىز پۇل ئۆلچىمىنى 10 % ئۆستۈردى. بۇنىڭدىن سىرت بىر قىسىم بانكىلار ئولتۇراق ئۆيگە بېرىدىغان قەرىز پۇلنى تارقىتىشنى ئاللىبۇرۇن توختاتقان. كەسپىي جەھەتتىن نۆۋەتتە بانكا تەرىپىدىن ئەلا سۈپەتلىك خېرىدار دەپ ئېتىراپ قىلىنغان چوڭ تىپتىكى كارخانىلارمۇ ئېتىبارلىق قەرىز سوممىسىدىن بەھرىمەن بولالمايدۇ.

بىر دۆلەت ئىگىلىكىدىكى بانكىنىڭ بانكا باشلىقىنىڭ ئېيتىشىچە، مەركىزىي بانكىنىڭ پۇل سىياسىتىنىڭ تەسىرىدىن، بانكىنى نازارەت قىلىش تارماقلىرىنىڭ يول كۆرسىتىشى سەۋەبىدىن ، ھازىر بانكىنىڭ كېردىتى ناھايىتى قىس مەنبەگە ئايلانغان. ئوخشاش بىر تۈركۈم قەرىز ئېلىش ئىلتىماسلىرىدىن كېيىن، تەقدىم ئېتىش دەرىجىسى بىر قەدەر يۇقىرى بولغان قەرىز بېرىش ئۇسۇلى كۆپلىگەن بانكىلارنىڭ تاللىشى بولۇپ قالدى. بىر پەسىل ئىچىدە بۇ خىل ئەھۋالنىڭ ئۆزگۈرۈشى ناھايىتى تەس.

مەنبەسى:شىنخۇا تورى