چەتئەل ئاخبارات ۋاسىتىلىرىدە خەۋەر قىلىنىشىچە،ئالما شىركىتى يېقىندا شىركەتنىڭ ئامېرىكا نىيۇيورك شەھىرىدىكى قاتناش مەھكىمىسىنىڭ بىر بىناسىنى 10 يىللىق توختام بىلەن ئىجارىگە ئىلىۋالغانلىقىنى ئاشكارىلىغان بولۇپ،بۇ يەردە يەنى نىيۇيورك شەھىرىدىكى مەركىزى قاتناش بېكىتىدە ئالما شىركىتىنىڭ ئەڭ چوڭ مەخسۇس سېتىش دۇكىنى ئاچىدىكەن.بۇ خەۋەر تارقىلىشى بىلەنلا،جەمئىيەتتىكىلەرنىڭ دىققەت ئېتىبارىنى قوزغىغان،ھەمدە تورلاردا بۇ دۇكاننىڭ ئىچكى قۇرۇلمىسى توغرىسىدىكى رەسىملەر بەس-بەستە تارقالغان.

ئىگىلىنىشىچە،بۇ دۇكان مۇشۇ ھەپتىنىڭ سەيشەنبە كۈنىدە سىرتقا قارىتا رەسمىي تۈردە ئېچىۋېتىلىدىكەن.تۆۋەندە بۇ دۇكاننىڭ رەسىملىرىنى كۆرۈپ باقايلى:

 

ئامېرىكىنىڭ بۇ چوڭ پارچە سېتىش دۇكىنى نىيويۇرك شەھىرىنىڭ مەركىزىگە جايلاشقان بولۇپ،ئومۇمىي كۆلىمى 1514كۋادرات مېتىر كېلىدىكەن.نۆۋەتتە ئالما شىركىتىنىڭ ئەڭ چوڭ پارچە سېتىش دۇكىنىنىڭ كۆلىمىدىن 279 كۋادرات مېتىر ئوشۇقكەن.ئالما شىركىتى دەسلەپتە بۇ دۇكاننىڭ يىللىق ئىجارىسى ئۈچۈن 800مىڭ دوللار خەجلىگەن بولۇپ،بۇ پۇل  تىز تاماقخانىسىنىڭ يىللىق ئىجارىسىدىن 500مىڭ دوللار كۆپكەن.ئالما شىركىتىنىڭ بۇ مەخسۇس سېتىش دۇكىنىدا 300دىن ئارتۇق خىزمەتچى قوبۇل قىلىنغان بولۇپ،ھازىر باشقا مەخسۇس سېتىش دۇكانلىرىدا تەربىيلىنىۋېتىپتۇ.

ئامېرىكا نىيۇيوركتىكى بۇ مەركىزى قاتناش بېكىتىدىكى كۈندىلىك ئادەم ئېقىمى 750مىڭ بولۇپ،كۆپىنچىسى يېقىن ئەتراپتىكى ئاقسۆڭەكلەر ئاھالە رايونىدىن كېلىدىغان كىشىلەر ئىكەن،قارىغاندا،ئالما شىركىتىنىڭ بۇنداق ھەشەمەتلىك سودا-ساراينى تاللاپ دۇكان ئىچىشى،تېخىمۇ كۆپ باي كىشىلەرنىڭ دىققىتىنى تارتىش بولسا كېرەك.