Android سۇپىسىدىكى يانفونلارنىڭ  كاشىلىسى iPhone ۋە قارا بۆلجۈرگەن(黑莓) يانفونلىرىغا قارىغاندا يۇقىرى بولىدىكەن
شىنلاڭ تورى 11-ئاينىڭ3-كۈنىدىكى خەۋىرى دىيىلىشىچە ئەنگلىيە مۇلازىمەت شىركىتى WDS نىڭ تەتقىقات نەتىجىسىدە ئاشكارىلىنىشىچە كونا نۇسخىدىكى Android مەشغۇلات سېستىمىسىنى ھازىرقى ئەرزان باھالىق ئەقلىفونلارغا ماسلاشتۇرۇش ئۈچۈن دۇنيادىكى ھەرقايسى تېلگېراف كارخانىلىرى تەخمىنەن 2مىلىيارت يۈەندىن ئارتۇق سېتىشتىن كىيىنكى رىمونىت چىقىمى سەرپ قىلىدىكەن.
WDS شىركىتىنىڭ تەكشۈرۈش نەتىجىسىدە ئاشكارىلىنىشىچە Android سۇپىسى قوللىنىلغان ئەسۋاپلارنىڭ قاتتىق دېتال جەھەتتىكى كاشىلىسى iPhone ۋە قارا بۆلجۈرگەن(黑莓)  يانفونلىرىغا سېلىشتۇرغاندا تېخىمۇ كۆپ ساقلانغان بولىدىكەن،بۇنداق بولىشىدا iPhone ۋە قارا بۆلجۈرگەن(黑莓) دىن ئىبارەت ئىككى خىل مەھسۇلاتلارنىڭ پارچە سايمانلارغا بولغان تەلىپىنىڭ تولىمۇ قاتتىق بولىشىدا ئىكەن.
ئەرزان باھالىق Android يانفونلىرىنىڭ ئىشلەپچىقىرىش تەننەرخى ئەڭ تۆۋەن بولغاندا 100 دوللار ئەتىراپىدا بولغاچقا ،بۇ سۇپا ئىشلىتىلگەن ئەقلىفونلارنىڭ باش كۆتۈرۈپ چىقىشىغا تۈرتكە بولغان،شۇنىڭدەك سەنشىڭ ۋە ئاسىيا رايۇنىدىكى نەچچە ئون  يانفون كارخانىلىرىنى ئۆزىگە جەلپ قىلغان.
WDS شىركىتى بولسا تىجارەت كارخانىلىرىغا مەخسۇس ئۈسكۈنە باشقۇرۇش ۋە چاقىرىش مەركىزى مۇلازىمىتى بىلەن تەمىنلەيدىغان كارخانا بولۇپ،بۇ كارخانىنىڭ تىجارەتكە مەسئۇل دېرىكتورى ،گەرچە يوقۇرىدا دىيىلگەن چىقىم ئادەمنى قىزىقتۇرسىمۇ لېكىن ئۇمۇمى گەۋدە ئەھۋالىدىن ئېلىپ ئېيتقاندا بەلكى ئۇنداق بولماسلىقىمۇ مۇمكىن دەپ كۆرسەتتى.
ئەنگلىيە بازار تەتقىقات شىركىتى Canalys نىڭ سانلىق مەلۇماتىدا بۇ يىللىق 3-پەسىللىك ئىستاستىكىدا Android يانفونلىرىنىڭ دۇنيا ئۇمۇمى ئەقلىفون بازىرىدىكى ئىگىلىگەن نىسبىتى 57% گە يەتكەن دېيىلگەن،بۇ قىممەت 2009 ۋە 2010 يىلى بولسا ئارانلا 3% ۋە 25% نى ئېگەللەيتى.بۇ يىلقىدەك زور ئۇتۇقلارنى قولغا كەلتۈرۈشتە سەنشىڭ،HTC ۋە Sony Ericsson   قاتارلىق كارخانىلارنىڭ كەڭ كۆلەمدىكى قوللىشىدىن ئايرىپ قاراشقا بولمايدۇ.
لېكىن Android سۇپىسى ھازىرقى بازاردا ئومۇملىشىشتىن ئىبارەت ياخشى ۋەزىيەتنى قولغا كەلتۈرگەن بولسىمۇ يەنىلا بىرقىسىم مەسىلىلەردىن ساقلىنالمىدى،مەسىلەن بىر دانە يانفوننى رىمونىت قىلىش ئۈچۈن تىجارەت كارخانىلىرى تەخمىنەن 127 دوللار ئەتىراپىدا چىقىم قىلىدىكەن،بۇ قېتىمقى تەكشۈرۈش ياۋرۇپا،شىمالى ئامېرىكا،جەنۇبى ئافرىقا ۋە ئاۋسترالىيە قاتارلىق رايۇنلارنى قاپلىغان بولۇپ 600مىڭدىن كۆپ تېلېفون زىيارىتى ئارقىلىق ئېرىشكەن نەتىجە ئىكەن.