بەگتۈرك:ئۈزۈپ چىققانغا سىرداشمەن

begturk · ۋاقتى: 2012-11-18 17:29:13


	ئۈزۈپ چىققانغا سىرداشمەن (شائىر ئابدۇلئەھەت قادىرىيغا جاۋاپ مۇۋەششەھ ) بەگتۈرك ئەلەم ئوكيانىغا شۇڭغۇپ ئۈزۈپ چىققانغا سىرداشمەن، تېگىدىن ئۇنچە-مارجاننى سۈزۈپ چىققانغا سىرداشمەن. ھېجىر سوقماقلىرى قاڭقىپ بېشىنى سوقسىمۇ تۈندە، قېنىنى رەڭ قىلىپ ئەشئار تۈزۈپ چىققانغا سىرداشمەن. ئەگەر كىم بولمىسا سەگەك بېغىدا داپ چالار شەيتان، چۈشىنى جىن-شاياتۇننىڭ بۇزۇپ چىققانغا سىرداشمەن. داۋاسىز قالسىمۇ كۆيگەن يۈرەكى ئۇشبۇ ئالەمدە، يەنە ئەل دەردىنى جەملەپ يۈدۈپ چىققانغا سىرداشمەن. ئېرىپ ئاقسا يۈرەكلەرنى بېسىپ ياتقان پايانسىز مۇز، قۇياشقا بىر نىگاھ تاشلاپ كۈلۈپ چىققانغا سىرداشمەن. 2012-يىلى 18-نويابىر،گۇما. بۇ يازمىنى ئاخىرىدا begturk تەھرىرلىگەن. ۋاقتى 2012-11-21 02:04

كۆھتام · ۋاقتى: 2012-11-18 18:45:31


	ئەگەر كىم بولمىسا سەگەك بېغىدا داپ چالار شەيتان، چۈشىنى جىن-شاياتۇننىڭ بۇزۇپ چىققانغا سىرداشمەن››بۇ مىسرالار بەك ياخشى چىقىپتۇ.مۇشۇنداق ئىسىل ئەسەرلىرىڭىزگە تەشنامەن،ئۇستاز.

begturk · ۋاقتى: 2012-11-19 00:09:54


	ئۇكام ئەكرەمجان ،قانداق ئەھۋالىڭىز؟ھازىر قەيەردە ئوقۇۋاتىسىز؟ئالاقىلىشىپ تۇرايلى.تىلىپۇن نومۇرۇم-13809984135 بۇ يازمىنى ئاخىرىدا begturk تەھرىرلىگەن. ۋاقتى 2012-11-19 01:40

پەرىدە · ۋاقتى: 2012-11-19 00:51:32


	يېقىملىق چىقىپتۇ ئىجادىيىتىڭىزگە تېخىمۇ ئۇتۇقلارنى تىلەيمەن

huxhuy · ۋاقتى: 2012-11-19 11:31:35


	بەگتۈرىكنىڭ ئەھەدىگە يازغان جاۋاپ مۇشائىرىسى ئېسىل چىقىپتۇ.بۇندىن كېيىنكى ئىجادىيىتىگە تىخمۇ زور ئۇتۇقلار يار بولغاي!

تۇيغۇن · ۋاقتى: 2012-11-19 14:17:04


	بۇ غەزەلدىن بەك سۆيۈندۈم ! ئىجادىيىتىڭىزگە ئاجراتقان ۋاقتىڭىز تېخىمۇ كۆپ بولغاي!

mamutomar · ۋاقتى: 2012-11-20 00:07:05


	ساڭا ئامەت ۋە ئىلھام تىلەيمەن.مەنچە بولسا يارىشىملىك مۇۋەھشەھ بوپتۇ،ئۇنىڭدىن ئارتۇق بىر نېمە دېيەلمەيمەن،سالامەت بولغايسەن دوستۇم.

arkan · ۋاقتى: 2012-11-21 19:08:27


	بەگتۈرۈك ئەپەندىمگە كوپ رەخمەت، بۇ مۇشائىرە جاپ بەكمۇ يىقىملىق چىقىپتۇ.

مۇھاجىر · ۋاقتى: 2012-11-22 05:13:24


	بەگتۇرۇك ئەپەندىنىڭ غەزەللىرىمۇ گۇما دىيارىدىكى خۇشپۇراق گۇلدۇر !

مۇھاجىر · ۋاقتى: 2012-11-22 05:15:29


	ئەكرەمجان ھلاقلىشىپ تۇرايلىچۇ ،يوقاپ كەتمەڭ !ھدراسىت تۇيغۇن كىمدۇ ،مىنىڭ بۇرۇنقى تەخەللىسۇم ئىدى .

begturk · ۋاقتى: 2012-11-22 15:59:39


	دوستۇم مۇھاجىر،تۇيغۇن دېگەن «تۇرپان»ژورنىلىنىنىڭ مۇئاۋىن باش مۇھەررىرى ،شائىر تۇرغۇن جالالىدىندۇر.

مەشرەپ · ۋاقتى: 2012-12-30 04:09:29


	مەن ئاۋال مۇئەللىمنىڭ تىنىنىڭ سالامەت بولۇشىنى ،خىزمىتىنىڭ نەتىجىلىك بولۇشىنى يىڭى يىلدا يىڭى ئىجادىيەتلەرنى مۇنبەر ئەھلىگە سۇنۇشىنى ئۈمۈد قىلىمەن ،ھەم ناھايتى مىغىزلىق چىققان بۇ شئېرىڭزنى مۇبارەكلەيمەن،سالامەت بولۇڭ .

سەزگۈر · ۋاقتى: 2013-1-23 23:53:14


	مۇبارەك بولسۇن ئۇستاز!ئاللا ئارۇز پايانىدا مۇرادلىرىغا يەتكۈزگەي.

مۇڭزات · ۋاقتى: 2013-2-3 10:34:48


	‹‹بەگتۈرىك›› ىەپەندى سىزنىڭ بۇ تىمىڭىزدىن تولىمۇ سۆيۈندۈم، مەنىسى چوڭقۇر مىسرالىرى تولىمۇ يارقىن بايان قىلنىپتۇ.. ېجادىيتىڭىزگە بەرىكەت تىلەيمەن...نادىر تىمىلىرىڭىز ىۈزۈلمىگەي... مەن بۇ سالوننىڭ يىىڭى ىەزاسى بولۇش سۈپىتىم كۆپچىلىكنىىڭ كۆپرەك يول يورۇق كۆرسىتىشىنى سورايمەن... سەمىمىي ىەسكەرتىش : مەن كۆپىنچە ھاللاردا ىېنكاسنى تىلفۇندا يازېدىغان بولغاچقا بەزى ھەرىپلەرنى ىامالسىز خاتا يىزىشقا مەجبۇر بولۇپ قالدىم، شۇڭا كەڭ تورداشلارنىڭ تۈزتىپ توغىرسىنى قوبۇل قىلىشىنى سورايمەن...‹‹سۇزلىگۈچىدە ەيىپ يوق،اڭلىغۇچىلار ىبرەت السۇن››دەپتىكەن كونىلار...

شىجائەت · ۋاقتى: 2013-2-3 23:09:09


	بەگتۈرك بۇرادىرىم سۈزۈك سەپىرڭىزدە ئامان بولغايسىز.

مىكروبلوگ[ يېڭى | 24 سائەت | 7 كۈن | 30 كۈن ]