ئەلۋىدا، كىرپىكلەر(خۇشخۇي)

huxhuy · ۋاقتى: 2012-7-29 19:09:51


	ئەلۋىدا، كىرپىكلەر (يول بويىدىن كېسىۋىتىلگەن تېرەكلەرگە مەرسىيە)1 تاشلاندى كىرپىكىم قومۇرۇپ، كۆزۈمدە دەۋرەيدۇ ياشلىرىم. غەم تېغى يەلكەمنى يانچىدى، قالارمۇ ئەتە ساق قاشلىرىم؟ ئۇ بولغان قىرىق بەش قىش،باھار، ھۆسنۈمنىڭ لەتاپەت- زىننىتى. تەگمىگەن دىلىمغا ئوق بولۇپ، بىر قېتىم تاپا – دوق،مىننىتى. ئايرىماي ۋەسىلگە پەسىلنى ، ئۈن- تىنسىز كۆك تىرەپ تۇراتتى. ئىپار بۇي تارقىتىپ ياپرىقى، شادلانسام چاۋاكلار ئۇراتتى. 2 نام بەرگەن ياش شائىر سىلەرگە، ئىكەن دەپ ئانا يۇرت كىرپىكى. بىر ئەپلىك ياراشقان شۇ ئىسىم ، سىڭگەندەك ئۈرۈككە چېچىكى. كېسىلدى بۈگۈن ئۇ كىرپىكلەر، خوپ كەلمەي شەھەرگە سىياقى. كۆڭۈلنى دەشىت-چۆل قاپسىدى، يۈرەكنى ئۆرتەپ ئوت- پىراقى. 3 تاشلاندى كىرپىكىم قومۇرۇپ، چاناققا سىغمايدۇ ياشلىرىم. يانچىلدىم تەشۋىشنىڭ تېغىدا، نە بولۇر قاپقارا قاشلىرىم؟ ئەلۋىدا كىرپىكلەر،ئەلۋىدا! روھىڭلار جاي ئالغان يۈرەكتىن. قەددىڭلار تاپىدۇ قەدرىنى، تېنىڭلار ياسىغان كۆرەكتىن. 2009-يىلى 10-ئاينىڭ 8-كۈنى(پەيشەنبە)،گۇما- كۆكئوتاغ.

arkan · ۋاقتى: 2012-7-29 19:43:17


	خۇشخۇي ئەپەندىنىڭ يۇرتىمىزنىڭ كىرپىكى بولغان تىرەكلەرگە بولغان مۇھاببىتىدىن قاتتىق تەسىرلەندىم، دىمىسىمۇ كىرپىك - ھاياتىمىزنىڭ يورۇقلىغى بولغان كۆزىمىزگە تەر تامچىلىرىنىڭ ھۇجۇم قىلىشىنى توسۇپ تۇرغىنىغا ئوخشاش ئۇ تىرەكلەر ئانا يۇرتىمىزغا بوي بەستى ، قەددى - قامىتى بىلەن زىننەت بىغىشلاپ يۇرتىمىزنى قۇم-بوراننىڭ ھۆكۈمىرانلىغىدىن توسۇپ قالاتتى ئەمەسما؟ رەخمەت ئۆزلىرىگە ئۇستاز!!!!! ياراتقان ئاللاھ ئۆزلىرىگە ۋە ئانا يۇرتىمىزغا خاتىرجەملىك ئاتا قىلغاي

بۇغراخان · ۋاقتى: 2012-7-29 21:11:34


	كونىلار «ئەرنىڭ زىننىتى ساقال ،سۆزنىڭ زىننىتى ماقال»دەپ ئىيىتقان ئىكەن. مەن دەيمەن يۇرۇتنىڭ زىننىتى دەل-دەرەخ ئورمان ئىدى. بىز ئەشۇ ئورمان دەل- دەرەخلەر ئاقىلىق ساپ ھاۋادىن نەپەس ئىلىپ ھايات كەچۈرەت تۇق، بىزنىڭ ئەركىن نەپەس ئىلىشلىرىمىز كىملەرگە تاقاشتى ھىچ بىلمىدىم يۇرۇتنىڭ كىرپىكلىرى يۇلۇپ تاشلاندى. شۇندىن بىرى كۆزلەرگە قۇم بورانلاركىرىپ خىرەلەشتى،ئەركۆركى ساقالمۇ يۇلۇنۇشقا باشلاپ ئىغىز لارغا توپا كىرىپ بۇرۇختۇرما بولۇپ نەپەس ئىلىش قىيىنلاشتى .ئۆپكە كىرەكتىن چىقىش ئالدىدا..... بۇ يازمىنى ئاخىرىدا بۇغرا تەھرىرلىگەن. ۋاقتى 2012-7-29 21:13

ئەھەدى · ۋاقتى: 2012-7-29 22:49:38


	باراخسان تىرەكلەر بەئەينى كىرپىك، نېمىشكە ئۆسۈدۈ سايە تاشلاپ ، تىك . قادالسا كۆزلەرگە گۇيا مىخ بولۇپ، تاشلىماي بۇلامدۇ ئۇنى قومۇرۇپ . يېڭىلىق بولامدۇ تىكىپ- سۆكمىسە ، كىرپىكلەر ئۆسسىمۇ ، مەنسەپ ئۆسمىسە. شۇنچىلىك ئىشقىمۇ چايقامسىز باشنى ، يۇلمىساق بولامدۇ بۇرۇتنى، قاشنى. قىلغىلى نىمىش بار ئۇنى يۇلمىساق ، زىرىكىپ قالمامدۇق،يۇلۇپ تۇرمىساق ...!

Dihan · ۋاقتى: 2012-7-30 11:38:28


	تەكلىماكاننىڭ بورانلىرى ھوۋلىسىمۇ ،قورۇقماي تۇراتتى چەپدەس.ۋاي كىممۇ ئىچىن مايدۇ.

يۇلتۇز · ۋاقتى: 2012-7-30 13:45:32


	خۇشخۇي ئۇستاز ھەممىنىڭ كۆڭلىدىكىنى تەسۋىر.لەپتۇ دىمىسىمۇ ئاشۇ يارشىملىق ھەم خاسىيەتلىك دەرەخلەدىن ئايرىلغاندىن بىرى ئويدىن ئىش ئورنۇمغا باغىچە قاقاس ئىسسىقتا جىنىم قاخشاپ شۇ دەرەخ كەس كەنلەنى تۈمەن مىڭ قاغاپ ماڭىمەن . توردىشىمىز راس دەي دۇ . كىسىپ تىكمىسەك نىمىش قىلامىز ؟يا تىككەن بىر نىمىسىنىڭ جايى ئىسسىمايدىكەن.

مېھربان · ۋاقتى: 2012-7-31 12:32:40

HOJAKABIZ · ۋاقتى: 2012-8-3 11:53:07


	ئەلۋىدا ،ئەلۋىدا كىرپىكلەر تۆكۈلدى، شائىرنىڭ يۈرەك-باغرى سۆكۈلدى! بۇ يازمىنى ئاخىرىدا HOJAKABIZ تەھرىرلىگەن. ۋاقتى 2012-8-3 11:53

HOJAKABIZ · ۋاقتى: 2012-8-3 12:01:53


	........................................ قادالسا كۆزلەرگە گۇيا مىخ بولۇپ، تاشلىماي بۇلامدۇ ئۇنى قومۇرۇپ . يېڭىلىق بولامدۇ تىكىپ- سۆكمىسە ، كىرپىكلەر ئۆسسىمۇ ، مەنسەپ ئۆسمىسە. .................................................... ئەھەدىنىڭ ماۋۇ شېئىرى يۇلۇشنىڭ ئەسلى ماھىيىتىنى بىزگە تېلىسكۇپتەك كۆرسىتىپ تۇرۇپتۇ-مانا! بۇ يازمىنى ئاخىرىدا HOJAKABIZ تەھرىرلىگەن. ۋاقتى 2012-8-3 12:03

مۇھاجىر · ۋاقتى: 2012-9-26 22:40:59


	كىرپىك بولمىسا كۆز بىخەتەر بولالمايدۇ ،بىزنىڭ ھاياتمىز خىرىس ئىچىدە ئوخشايدۇ !

مۇھاجىر · ۋاقتى: 2012-9-26 22:44:05


	كېسىلدى بۈگۈن ئۇ كىرپىكلەر، خوپ كەلمەي شەھەرگە سىياقى. كۆڭۈلنى دەشىت-چۆل قاپسىدى، يۈرەكنى ئۆرتەپ ئوت- پىراقى يۇقارقى مىسرالار ئادەمنى بەكلا ئۆزى ھەققىدە ئويلاندۇرىدۇ .

eleyas · ۋاقتى: 3 كۈن بۇرۇن


	بىر كۈنلەردە،مۇشۇ قىلغانلىرىمىز بىشىمىزغا بالا بولمىسا بولاتتى. ماتىرياللاردىن مەلۇم بولۇشىچە، يىتىلگەن بىرتۈپ دەرەخ ھەريىلى33.5كىلوگىرامدىن~ 100كىلوگىرامغىچە ساپ ئ‍وكسىگىن ئ‍ىشلەپ چىقىرىپ يەنە 100كىلوگىرام ئ‍ەتراپىدا كاربۇن تۆت ئ‍وكسىد ۋە باشقا كىرەكسىز گازلارنى سۈمۈرۋالىدىكەن . مەن ئ‍ەقلىمنى بىلگەندىن تارتىپ كۆچەت سىلۋاتىمىز ،بىرياقىدىن كىسىۋاتىمىز . ئ‍ورمانچىلىق ئ‍ىدارىسى ،مۇھىت ئاسراش ئىدارىسى دىگەن ئ‍ورگانلار مۇشۇنداق ئ‍ىشلارنى ئ‍اڭلىمايدىغاندىمۇ"؟ مىنىڭچە ئ‍ورمان دەل دەرەخلەر بىزنى باققان ئ‍اتا ئ‍انىغا ئوخشاش ، ئ‍ۇ ئ‍ۇستازنىڭ ئ‍يىتقىنىغا ئوخشاش ،ئ‍انا يۇرتىمىزنىڭ ھۆسنى ، گۈزەللىكى ،كىرپىك كۆزنى قوغدىغاندەك ،دەل دەرەخلەرمۇ بىزنى قۇم بوران ئ‍اپەتلىرىدىن ساقلايدۇ ا تۇپراقنىڭ ئىقىپ كىتىشىنى تىزگىنلەيدۇ. ئ‍ورمانلارنىڭ كىسىلىشى ھەقىقەتەنمۇ ئەپسۇسلىنارلىق ئ‍ىش....؛

مىكروبلوگ[ يېڭى | 24 سائەت | 7 كۈن | 30 كۈن ]

ئەلۋىدا، كىرپىكلەر(خۇشخۇي)

分享到：

ئەزا ئۇچۇرى