|
ئەقىدە ناۋالىرى
ئۈمىدجان قادىرى
قاشتاش
ئانامنىڭ بىغۇبار قەلبى سېنىڭدە دەل ئايان قاشتاش،
شۇڭا ئىخلاس-ئەقىدەمگە ئۆزۈڭ مەنسۇپ ھامان قاشتاش.
كۆزۈم تالماس قاراپ جىسمىڭ،دىلىمدا جۇش ئۇرار مېھرىڭ،
يۇيۇپ پاكىز ۋۇجۇدۇمنى،سۆيۈلدۈرگەن جانان قاشتاش.
تەۋەللۇتۇڭ ئەمەس گۈلشەن،ۋە يا ئوردا ھەرەملەردە،
تۆرەلدىڭسەن قاقاس تاغدا،قىنى دەريا ماكان قاشتاش.
سەھەردە چاپچىغان تۇيغۇ كۆرۈرلەر ئەسلىنى سەندە،
گۈزەللىك جىلۋىلەر ئاچقان،ئۆمۈرگە چىن بايان قاشتاش.
قېتىپ كۈيگە سېنى ھەردەم غەزەل پۈتكەن ئۈمىدجانمۇ،ئېلىپ ئۆرنەك ھامان يەتكەي كېزىپ مەنزىل پايان قاشتاش.
ئالى مەكتەپ
چېچىپ ئۇچقۇننى ئىستەكلەر،تۇغۇلغان غايە ئۇ جايدا، ئوغۇزرەڭ تۈنگە ئۆركەشتە سىڭىشكەن سايە ئۇ جايدا.
ئىلىم تەھسىلدە ئۆتكەن ئاي ئۇلاشقاي پەيتى يىللارغا، ئۆمۈر قەدرىنى چىن سەزگەن قىلىشماي زايە ئۇ جايدا.
ئارامنىڭ ۋاقتى كەچلەردە ئۇچۇشقان دىل ئارا چاخچاق، پەلەكنى بويلىبان ئېزگۈ تېپىشقان پايە ئۇ جايدا.
يۈرەك ئاتەشتە چوغلانغان،توپانغا چۆكسە ئۆچمەس ئوت، تېپىپ قۇت ئەھلى-ھۇش،ئاڭمۇ ئېرىشكەن ۋايە ئۇ جايدا.
ساناقسىز ئىزنى-كەچمىشنى داۋام سۆزلەر ئۈمىدجانغا، گۈزەل ياشلىققا شاھىد مىڭ تالاي ھېكايە ئۇ جايدا.
2016.يىل 27.فېۋرال پىيالما
| 
ip كۈرۈش
ئىز قوغلاش
ۋاقتى: 2016-3-1 13:39:25
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
ئىگىسى
