ئۈمىدجان قادىرى: ئانا تىلىم

ئۈمىدجان قادىرى

ئانا تىلىم

ئۈمىدجان قادىرى

بولسا سايلام،بارچە تىلغا شاھى-سۇلتاندۇر تىلىم،
گاھ شىۋىرلار ئىزغىرىندەك،گاھى ۋۇلقاندۇر تىلىم.

جان ئانامنىڭ مېھرى بىرلە قوزىچاقتەك شادلىنىپ،

تۇنجى ئېيتقان سۆزلىرىممۇ سەندە بولغاندۇر تىلىم.

سۆيگۈ كۈيلەپ سېخى يىللار سوغىتىدىن ياشلىقىم،
يارغا يازغان خەتلىرىممۇ سەندە تولغاندۇر تىلىم.

قالسا سەيياھ يول تاپالماي چۆلدە ئالۋۇن قەستىدىن،
سەندە تاپقان زور تەسەللى،قەلبى گۇلخاندۇر تىلىم.

ھەق ئۈمىدجان ماختىنىشقا بۇ ئانا تىل زەۋقىدىن،
بارچە تىلدۇر مىسلى يۇلتۇز،ئانداچولپاندۇر تىلىم.