‹‹مېنىڭ كۆرۈشىم››نەشىر قىلىندى

udun

گىتلېرنىڭ كىتابى قايتا نەشر قىلىندى

گېرمانىيە باۋارىيە شتاتىنىڭ نەشر ھوقۇقى 2015-يىلى يىل ئاخىرىدا ئاياغلاشتى، «ناتسىست گېرمانىيە» نىڭ باشلىقى گىتلېرنىڭ تەرجىمىھالى «مېنىڭ كۆرىشىم» نىڭ يېڭى نەشرى 1-ئاينىڭ 8-كۈنى گېرمانىيەدە تارقىتىلغان بولۇپ، بۇ 2-دۇنيا ئۇرۇشى ئاخىرلاشقاندىن كېيىن بۇ كىتابنىڭ تۇنجى قېتىم نەشر قىلىنىشى بولۇپ ھېسابلىنىدۇ. بۇ تەرجىمىھالغا گىتلېرنىڭ رادىكال ئىدېئولوگىيەسى قوشۇلغان بولۇپ، كېيىنكى كۈنلەردە «ناتسىست گېرمانىيە» نىڭ تاجاۋۇزچىلىق ئۇرۇشى قوزغىشىنىڭ ئىدىيەۋى پىرىنسىپىغا ئايلانغان.

گىتلېر 1923-يىلى «پىۋىخانا سىياسىي ئۆزگىرىشى» دە مەغلۇپ بولغاندىن كېيىن، ۋەتەنگە ئاسىيلىق قىلىش جىنايىتى بىلەن ئەيىبلىنىپ 5 يىللىق قاماق جازاسىغا ھۆكۈم قىلىنغان، بۇ مەزگىلدە باۋارىيەدىكى بىر تۈرمىدە «مېنىڭ كۆرىشىم» دېگەن كىتابىنى يېزىپ چىققان، كىتابتا گېتلېرنىڭ تۇرمۇش كەچۈرمىشى ۋە دۇنيا قارىشى بايان قىلىنغان، ئەڭ يادرولۇق ئىدىيە رادىكال مىللەتچىلىكنى تەشەببۇس قىلغان. ناتسىست پارتىيەسى 1933-يىلى ھاكىمىيەتنى قولىغا چۈشۈرگەندىن كېيىن، بۇ كىتابنى بىر مىليون پارچە بېسىپ تارقاتقان.

ئۆتكەن 70 يىلدىن بۇيان باۋارىيە شتاتى مالىيە مىنىستىرلىقى «مېنىڭ كۆرىشىم» نىڭ نەشر ھوقۇقىغا ئىگە بولغان ھەمدە بۇ كىتابنىڭ قايتا نەشىر قىلىنىشىنى چەكلىگەن، ئەمما «مېنىڭ كۆرىشىم» گېرمانىيەدە چەكلەنگەن كىتاب قاتارىغا كىرگۈزۈلمىگەن بولۇپ، كونا كىتاب دۇكىنى ياكى كۇتۇپخانىلاردا ئۇچراتقىلى بولىدۇ ھەمدە توردىن چۈشۈرگىلى  بولىدۇ. گېرمانىيە ھۆكۈمىتى ھەر قانداق قايتا نەشر قىلىنغان «مېنىڭ كۆرىشىم» گە چوقۇم ئىزاھات ياكى باھا بېرىلىشى كېرەكلىكىنى، بولمىسا «قۇتراتقۇلۇق جىنايىتى» بىلەن تەكشۈرۈپ كونترول قىلىنىدىغانلىقىنى بىلدۈردى.
مەنبە: ئەرقال تارتقۇسى