گۇمىغا كېلىش

م.يانتاق

گۇمىغا كېلىش

مەھمۇتجان يانتاق

ئۇزۇنغا سوزۇلغان ئازاپتىن چىقتىم،
قارىدىم قۇياشقا قەلبىمنى چۇۋۇپ.
ئەخمەتجان كۆرسەتكەن يولنىڭ بۇرجىكى،
كۆكسۈمدىن خەنجەرنى ئالماقتا يۇلۇپ.

تاڭ سەھەر ۋەسلىدە سايلارنىڭ چېچى،
چۈشلەرگە ئوت قالاپ قانايدۇ كېچە.
سۇ بولۇپ قېتىلدىم ھىجرانغا بۇ كەم،
غوجىنىڭ قەلبىدە ھەسرەت تېخىچە.

تاملارغا كۆيگەندەك تۇرار ئابدۇرېشىت،
ئوسماننىڭ قۇلىقى قېتىپ كەتمەكتە...
سورىسام ئاپتاپنىڭ مېھرىدىن نىدا،
جىمجىتلىق ھۆكۈمران ئابلەت ئەخمەتكە.

توپىنىڭ قولىدا ئاينىدى روھىم،
بىر سۆزنى دېگەندە ئابلىكىم تالىپ.
يامغۇردا قالغىنىم ئەمەس بىر خىيال،
ئەقىدەم ئەمەستۇر دىلغا مۇخالىپ.

قاتقانچە تۆكۈلدى ئاسماندىن گۈللەر،
خۇشخۇيدەك ياشناتسام ئارمانلىرىمنى.
ياپراقنىڭ ئۈستىدە كۆيگەندە بىر ئوت،
گۇمىدا يىغلاتتى يۇلتۇزلار مېنى!

begturk

قەدىمىڭىزگە مۇبارەك ،ماخمۇتجان!گۇما سىزنى كۈتىۋاتقىلى ئۇزۇن بولغان.

mehman

گۇمىدىكى تۇيغۇلار تۈگەپ كەتمىسۇن!