سەزگۈر:شېئىرلار

سەزگۈر

كېچىدىكى غىرىپلىق

تاپالمىدىم سايەمنى ئەسلا،
يۇلتۇزلارنىڭ قاناتلىرىدىن.
ئۈركۈپ كەتتى سىغىنىشلىرىم،
ئىتنىڭ ئەنسىز قاۋاشلىرىدىن.

تەنھا قالدىم تەكلىماكاندا،
يۈرۈگۈمنى غاجار ئەندىشە.
مۈكتىكىنە ئايمۇ قەيەرگە،
ئاشنىسىنى سۆيۈپ چوككىدە؟
---0---
كېچىدىن زىرىكىش

ئىشىكىنى يېپىپ گۈپپىدە،
ھوجۇرسىغا كىرىپتۇ قۇياش.
زۇلمەت باسقان كېچە كۆكسىدىن،
غاپىل تۇيغۇ چىقارماقتا باش.

قىينىماقتا روھىمنى ئاستا،
قاش بىلەن كىرپىك ئارىسى.
كۈلىۋالسا بولاتتى يۈرەك،
يۇرىماستا كېچىنىڭ كۆزى.
---0---
كۆسەيگە تېگىشتىم پەرزەنتلىرىمنى

تىڭشىغاچ ئاشقازان چالغان ناغرىنى،
ئەگەشتىم بوراننىڭ قولىنى تۇتۇپ.
نە ئۈچۈن قۇسىدۇ بالام زاغرىنى،
ئازاپنى يېگەندەك چاينىماي يۇتۇپ.

ئېتىزدەك تاشلاندى پۇتۇمغا شەھەر،
كۈۋەجەر قەلبىمدە نۇمۇس كۆپۈكى.
كۆرۈندى چۈشۈمدە ئېچىلغان سەھەر،
مومامنىڭ شور تۇزدا سالغان ئوچىقى.

چاينىدىم بەھوزۇر يۇلغۇن چوغىنى،
كۈچ كىردى روھىمغا بولماي قىيامەت.
كۆسەيگە تېگىشتىم پەرزەنتلىرىمنى،
مانا بۇ ئەقىدە بەرگەن مۇھەببەت.
---0---
رېۋايەت

قەبىرگە لىق تولغان تەكلىماكاندا
كىرپە بىلەن چاشقان بالىسى
ئىتىشىپ باغ-باغ
قۇرغۇدەك تۇرمۇش.
ئىت بىلەن مۈشۈك
مۇزىكىسىز رېستۇرانغا كېرىپ قالغاندەك
قىلىلماقتا بەزمە.
-دېدى بىرسى
يۈرۈگۈمگە سېلىپ ئەندىشە.
---0---

yadikar

ئىلھام قۇشلىرىڭىز«پۇر-پۇر»پەرۋازغا چۈشۈپتۇ مانا. مۇبارەك بولسۇن!

begturk

ئېنىم سەزگۇرگە تەكلىپ:1)بىرىنجى شېئىرنىڭ ئاخىرقى مىسراسى جايىغا چۈشمەپتۇ.2)ئىككىنجى شېئىردىكى
«قاش بىلەن كىرپىك ئارىسى»دېگەن مىسرادا مۇزىكا بۇزۇلغان.يەنە بىر قىتىم ئىشلەپ باقسىڭىز.

سەزگۈر

ئۇستازلارنىڭ مەدەت،پىكىرلىرىگە ھەشقاللا!بەگتۈرۈك ئۇستازنىڭ ئەسكەرتمىسىنى چوقۇم ئورۇندايمەن.