تۇرمۇشىڭىزغا كۈلكە، خوشاللىق ئېلىپ كېلىدىغان ھەر قانداق ئىشنى كېچىكتۈرمەڭ
مەنبە: ئۈندىدار چەمبىرىكى
بىز بۈگۈن ئېگىز بىنالار، كەڭ يوللارغا ئىگە بولغان بىلەن، مىجەزىمىز بارغانچە چۇسلىشىپ، نەزەر دائىرىمىز تارىيىپ كەتتى. نۇرغۇن جاپا تارتقان بىلەن ئېرىشكەنلىرىمىز ئاز بولدى. ئۆيىمىز چوڭايغان بىلەن، ئائىلىمىز كىچىكلەپ كەتتى. ۋەدىلەشكەن ۋاقىتلىرىمىز كۆپ بولغان بىلەن ۋاقتىمىز ئازىيىپ كەتتى. نۇرغۇن بىلىمگە ئىگە بولغان بىلەن، پەملەش ئىقتىدارىمىز چېكىنىپ كەتتى. نۇرغۇن دورىلارغا ئېرىشكەن بىلەن، كۆڭۈلدىكىدەك ساغلام بولالمىدۇق. بايلىقىمىز ھەسسىلەپ ئاشقان بىلەن، ئۇنىڭ قىممىتى تۆۋەنلەپ كەتتى. گەپنى تولا قىلغانچە مۇھەببىتىمىز ئازلاپ، نەپرىتىمىز كۈچىيىپ كەتتى. ئاي شارىغا بېرىپ كېلەلىگەن بىلەن، بىر قەدەم نېرىدىكى قوشنىمىزنى يوقلىيالمايدىغان بولدۇق. تاشقى دۇنيانى بويسۇندۇرالىغان بىلەن، ئىچكى دۇنيايىمىزنى بويسۇندۇرالمىدۇق.كىرىمىمىز ئاشقان بىلەن، ئەخلاقىمىز چېكىنىپ كەتتى. دەۋرىمىز بۇرۇنقىدىن ئەركىن بولغان بىلەن، خۇشاللىقلىرىمىز ئازلاپ كەتتى. يېمەكلىكلىرىمىز بۇرۇنقىدىن مول بولغان بىلەن، ئالغان ئوزۇقلۇقلىرىمىز ئازىيىپ كەتتى. ئائىلىلەر قوش كىرىملىك بولغان بىلەن، ئاجرىشىش كۆپىيىپ كەتتى. ئۆيلەر نەپس بېزەلگەن بىلەن، ئائىلىلەر يەنىلا كۆپلەپ ۋەيران بولىۋەردى. مانا بۇلار، بىز ئىشنى بۈگۈندىن باشلىشىمىز كېرەك دېيىشىمنىڭ سەۋەبى.
سىز بىر ئىشنى مەلۇم بىر ۋاقىتقا ئاتاپ قويماڭ، چۈنكى ھەر بىر كۈنىڭىز ئالاھىدە كۈندۇر.كۆپرەك بىلىم ئىگىلەڭ، كۆپرەك كىتاب ئوقۇڭ، ھويلىڭىزدا، ئۆيىڭىزنىڭ بالكونىدا كۆز ئالدىڭىزدىكى تەبىئەتنىڭ گۈزەل مەنزىرىسىنى تاماشا قىلىڭ، بۇنىڭغا ھېچقانداق خىيالنى ئارىلاشتۇرماڭ.
دوستلىرىڭىز، ئۆيدىكىلىرىڭىز بىلەن كۆپرەك بىللە بولۇڭ، ئۆزىڭىز ئامراق نەرسىلەرنى يەڭ، بارىمەن دېگەن جايغا بېرىڭ. تۇرمۇش دەستە-دەستە خۇشاللىق گۈللىرىدۇر، بىز پەقەت ياشاش ئۈچۈنلا ياشىماسلىقىمىز كېرەك.
يېگەن تاماقلىرىڭىز، كىيگەن كىيىملىرىڭىز، چاچقان ئەتىرلىرىڭىزگە چىدىماسلىق قىلماڭ، ھۇزۇرلىنىدىغان چاغداھۇزۇرلىنىش كېرەك.
لۇغىتىڭىزدىن «ھامان بىر كۈنى» دېگەن گەپنى چىقىرىۋېتىڭ، ئىشنى بۈگۈندىن، ھازىردىن باشلاڭ.ئۆيدىكىلىرىڭىزگە، دوستلىرىڭىزغا ئۇلارنى ياخشى كۆرىدىغانلىقىڭىزنى بىلدۈرۈڭ.
تۇرمۇشىڭىزغا كۈلكە، خۇشاللىق ئېلىپ كېلىدىغان ھەر قانداق ئىشنى كېچىكتۈرمەڭ.
ھەر كۈن، ھەر سائەت، ھەر مىنۇتىڭىز ئالاھىدە ۋاقىتلاردۇر. يەنە كېلىپ، سىز بۈگۈن ياكى ئەتىنىڭ ئاخىرقى پەيتلىرىڭىز بولۇپ قالىدىغانلىقىنى بىلمەيسىز.
ئەڭ قالتىس ئادەملەر بىر يەرگە كەلسە مۇۋەپپىقىيەت قازىنالىشى ناتايىن. لېكىن ماسلىشالايدىغان ئادەملەر بىر يەرگە كەلسە چوقۇم مۇۋاپىقىيەت قازىنالايدۇ. بىرگە ئىش قىلىشتا قالتىس ئادەمنى ئەمەس، سىزگە ماسلىشىدىغان ئادەمنى تاللاڭ.
دىل قازان بولسا تىل چۆمۈچتۇر، بىراۋنىڭ دىلىدىكىنى بىلەي دېسەڭ، تىلىدىن نېمىلەر چىققانلىرىغا قارا.
يالغۇزلۇق يامان دېيىشىدىكەن. ئەمما يالغۇزلۇق — ساختا مېھىرلەردىن، يالغان كۆيۈشلەردىن، توختىماي ئازار يېيىشلەردىن مىڭ ياخشى.
بىلسەڭ، بىرىنچى قېتىملىقى ھۆرمەت، ئىككىنچى قېتىملىقى ئىززەت، ئۈچىنچى قېتىملىقى پۇرسەت ئىدى. مېنىڭ لۇغىتىمدە قازاننىڭ قۇلىقى تۆت دەيدىغان جۈملە يوق.
چارىسىزلىق دېگەن نېمە؟ يۈرىكى قاناتلىنىپ كەتكەن يەرلەرگە تېنى كېتەلـمەسلىكتۇر.
باشقىلارغا قانداق ياشاشنى ئۆگەتمە، بەلكىم سەن ئوقۇغان كىتابنى ئۇ يازغان بولۇشى مۇمكىن.
مەنبە: ئۈندىدار چەمبىرىكى
تىلىمىز تورىدا رەتلەندى
微信扫一扫，打赏作者吧～
