سەككىز بەت _ شېئىر
（پەرىزات تۇردى）
يۈرەك ۋە دىلدا كىتابنى ئەستە تۇت
قىممىتى بىباھا مەڭگۈ سەپداش تۇت
سەككىزيۈزئەمەس پەقەتلا سەككىزبەت
بىرىنچى بېتىدىن تۆكۈلەر بەخت قۇت
ئىككىنچى بەت ئەدەب-ئەخلاق ماكانى
كىرگىن ، كەلگۈسى يولۇڭنى يورۇت
ئۈچىنچى بەت ئۈمىد-ئارزۇ ئوكيانى
ئېچىپ تامچە،ئۆتكەن كۈنۈڭنى ئۇنۇت
تۆتىنچى ، بەشىنچى بەتلەر ساداقەت
يارقىلساڭ سۆيىنىدۇ سەندىن ئەل يۇرت
كۆكلەيسەن ئالتىنچى بېتى ئارقىلىق
پەرۋاز قىلدۇرماققا تەيياردۇر بۇلۇت
يەتتىنچى بەت سەۋىردە ئۈنگەن مايسا
ئالدىرىما باراقسان بولۇشىنى كۈت
بېشىڭغا كۈن چۈشسە تاشلايدۇ سايە
ئالدىراڭغۇ يېنىدىن دەرھاللا يۈت
پاكلىق ئەلچىسىدۇر سەككىزىنچى بەت
ئەزىزلەپ سۈرمە كەبى قەلبىڭگە سۈرت
تۇغۇلىسەن يېڭىدىن كىتاب سۆزىدىن
ئانىدەك ئۇنىمۇ ئۇلۇغ بىلىپ كۈت
شانۇ-شەۋكەتلىك پادىشاھلارنىڭ ھوزۇرىدىلا ئەمەس ، بەلكى ئادەتتىكى ئامما،ئەر-ئايال پۇقرالار ئۆز-ئارا بېرىش-كېلىش قىلىشسا ، ئاز دېگەندە سەككىز نان ئېلىپ بېرىپ ئۇنى توققۇز نان ، دەپ ئاتايىتتى. ھەم سەككىز ناننى توققۇزنانغا تەڭ، دەپ ھېسابلايىتتى . تا ھازىرغىچە بۇ رەسىم – قائىدە داۋاملىشىپ كەلمەكتە .（تارىخى ئەمىنىيە 7-بەت）
ھەرقانداق نەرسىنى توققۇز-توققۇزدىن قىلىپ سوۋغات قىلاتتى ، ئەمەلىيەتتە سەككىزنى بىر توققۇز دەپ ئاتايىتتى …
گۈلجاھان مېدىيەسى
微信扫一扫，打赏作者吧～
