سەردار بلوگى

مۇھىم ئەقىدە

ئىسلام ئەقىدىسى چەكلىك، ئەبىدى ئۆزگەرمەس ئەقىدە بولۇپ، كۆپەيتىش ياكى قىسقارتىشنى، ئۆزگەرتىش ياكى ئالماشتۇرۇشنى قەتئى رەت قىلدۇ. بىرەر ھۆكۈم، يا بىرەر ئىلمى جەمئىيەت، يا بىرەر دىنىي قۇرۇلتاي ئىسلام ئەقىدىسىگە بىر نەرسە قوشالمايدۇ، ياكى ئۇنىڭ بىرەر تۈزىمىنى ئەمەلدىن قالدۇرالمايدۇ. ھەرقانداق قوشۇش ياكى ئەمەلدىن قالدۇرۇش، ئۆز ئىگىسىگە، ئۇنى پەيدا قىلغۇچىنىڭ ئۆزىگەتالىق. پەيغەمبەر ئەلەيھىسسالام ئېيتىدۇ: «كىمكى ئىسلام دىنىدا يوق بىر ئىشنى پەيدا قىلىدىكەن قەتئى رەت قىلىنىدۇ». بۇنىڭدىن يەكۈن چىقىرىشقا بولىدۇكى مۇسۇلمانلارنىڭ بەزى كىتاپلىرىغا كىرىپ قالغان ياكى خەلق ئارىسىغا تارقىلىپ كەتكەن، دىندا ئورنى يوق ھەرقانداق ئەپسانە – رىۋايەتلەر، بىدئەت – خۇراپاتلار باتىل قاتارىدا قەتئى رەت قىلىنىدۇ. ئۇلارغا ئىسلام ئۆزىدىن ئورۇن بەرمەيدۇ. ئۇلارنى دەستەك قىلىۋىلىشقا تىخىمۇ بولمايدۇ.